At-Taghabun

التغابن

The Mutual Disillusion • 18 ayahs • Medinan

بِسْمِ ٱللَّهِ ٱلرَّحْمَٰنِ ٱلرَّحِيمِ

يُسَبِّحُ لِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِۖ لَهُ ٱلۡمُلۡكُ وَلَهُ ٱلۡحَمۡدُۖ وَهُوَ عَلَىٰ كُلِّ شَيۡءٖ قَدِيرٌ﴿١﴾

1Pedtasbih su dalem nu manga langit endu su lupa, lekanin (Allah) su kapegkamilik endu pugi endu kagaga nin i langun na enggaga-isa.

هُوَ ٱلَّذِي خَلَقَكُمۡ فَمِنكُمۡ كَافِرٞ وَمِنكُم مُّؤۡمِنٞۚ وَٱللَّهُ بِمَا تَعۡمَلُونَ بَصِيرٌ﴿٢﴾

2Sekanin (Allah) na binaluy nin i aden kafir sa lekanu endu aden bamaginugut, su Allah na katawan nin i manga galebek nu.

خَلَقَ ٱلسَّمَٰوَٰتِ وَٱلۡأَرۡضَ بِٱلۡحَقِّ وَصَوَّرَكُمۡ فَأَحۡسَنَ صُوَرَكُمۡۖ وَإِلَيۡهِ ٱلۡمَصِيرُ﴿٣﴾

3Binaluy nin i manga langit endu lupa sa bantang, endu pinabpalas kanu nin sa pibpiya-piyanan nin i palas nu (langun nu) na lu bun makadsunud (makambalingan) sa lekanin (Allah).

يَعۡلَمُ مَا فِي ٱلسَّمَٰوَٰتِ وَٱلۡأَرۡضِ وَيَعۡلَمُ مَا تُسِرُّونَ وَمَا تُعۡلِنُونَۚ وَٱللَّهُ عَلِيمُۢ بِذَاتِ ٱلصُّدُورِ﴿٤﴾

4Katawan nin (Allah) su dalem nu langit endu su lupa endu katawan nin su ipedsulen nu endu su ipebpayag nu, su Allah na gatawan ni su dalem nu pusung nu.

أَلَمۡ يَأۡتِكُمۡ نَبَؤُاْ ٱلَّذِينَ كَفَرُواْ مِن قَبۡلُ فَذَاقُواْ وَبَالَ أَمۡرِهِمۡ وَلَهُمۡ عَذَابٌ أَلِيمٞ﴿٥﴾

5Da makatalingguma sa lekanu su tudtulan kanu manga kafir a nawna? (Pidtalu sa kanilan): nanami nu su lalaw nu pinggalebek nu endu sa kanilan pan i siksa a masakit.

ذَٰلِكَ بِأَنَّهُۥ كَانَت تَّأۡتِيهِمۡ رُسُلُهُم بِٱلۡبَيِّنَٰتِ فَقَالُوٓاْ أَبَشَرٞ يَهۡدُونَنَا فَكَفَرُواْ وَتَوَلَّواْۖ وَّٱسۡتَغۡنَى ٱللَّهُۚ وَٱللَّهُ غَنِيٌّ حَمِيدٞ﴿٦﴾

6Sabap sa namba na pinapaytan silan sa manga sinugu sa nakapananggit sa manga tanda a mapayag, na ya nilan pidtalu: taw bun i banutulu sa lekitanu (manusya bun), pigkapiran nilan endu tinagak nilan, su Allah na dala patagan nin sa kanilan, endu su Allah na kawasa a pebpugin.

زَعَمَ ٱلَّذِينَ كَفَرُوٓاْ أَن لَّن يُبۡعَثُواْۚ قُلۡ بَلَىٰ وَرَبِّي لَتُبۡعَثُنَّ ثُمَّ لَتُنَبَّؤُنَّ بِمَا عَمِلۡتُمۡۚ وَذَٰلِكَ عَلَى ٱللَّهِ يَسِيرٞ﴿٧﴾

7Initagu sa ginawa nu manga kafir i saben-sabenal na di silan makambwat (sa gay a mawli) edtalu ka (Muhammad): ibet sa Allah na makambwat kanu kanu gay a mawli, mawli na makwa nu su balas nu galebek nu, entu na malemu gayd sa Allah.

فَـَٔامِنُواْ بِٱللَّهِ وَرَسُولِهِۦ وَٱلنُّورِ ٱلَّذِيٓ أَنزَلۡنَاۚ وَٱللَّهُ بِمَا تَعۡمَلُونَ خَبِيرٞ﴿٨﴾

8Pangimbenal kanu sa Allah endu su sinugu nin endu su sigay a initulun nami (Qur’an) endu su Allah na langun na galebek nu na katawan nin.

يَوۡمَ يَجۡمَعُكُمۡ لِيَوۡمِ ٱلۡجَمۡعِۖ ذَٰلِكَ يَوۡمُ ٱلتَّغَابُنِۗ وَمَن يُؤۡمِنۢ بِٱللَّهِ وَيَعۡمَلۡ صَٰلِحٗا يُكَفِّرۡ عَنۡهُ سَيِّـَٔاتِهِۦ وَيُدۡخِلۡهُ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَآ أَبَدٗاۚ ذَٰلِكَ ٱلۡفَوۡزُ ٱلۡعَظِيمُ﴿٩﴾

9Kanu gay a limuden kanu sa kagkukum, entuba su gay a kapangimbulat (bamaginugut kanu kafir) na entayn i nangimbenal sa Allah endu minggalebek sa mapya na punasen su kawagan nin, endu paludepen sa surga a pelagilay sa kababan i manga ig sa di silan makalyu, entuba i badtugan a masla.

وَٱلَّذِينَ كَفَرُواْ وَكَذَّبُواْ بِـَٔايَٰتِنَآ أُوْلَٰٓئِكَ أَصۡحَٰبُ ٱلنَّارِ خَٰلِدِينَ فِيهَاۖ وَبِئۡسَ ٱلۡمَصِيرُ﴿١٠﴾

10Endu su manga kafir endu napandalbut kanu ayatan nami na entuba i kigkuwan sa naraka sa da den kalyu nilan, na ngin den a kawag a kadsunudan.

مَآ أَصَابَ مِن مُّصِيبَةٍ إِلَّا بِإِذۡنِ ٱللَّهِۗ وَمَن يُؤۡمِنۢ بِٱللَّهِ يَهۡدِ قَلۡبَهُۥۚ وَٱللَّهُ بِكُلِّ شَيۡءٍ عَلِيمٞ﴿١١﴾

11Da tyuba ebpun kanu manga tyuba ya tabya na kahanda nu Allah, su taw a nangimbenal sa Allah na natutulu su atay (pusung) nin, endu su Allah a langun na enggaga-isa na katawan nin.

وَأَطِيعُواْ ٱللَّهَ وَأَطِيعُواْ ٱلرَّسُولَۚ فَإِن تَوَلَّيۡتُمۡ فَإِنَّمَا عَلَىٰ رَسُولِنَا ٱلۡبَلَٰغُ ٱلۡمُبِينُ﴿١٢﴾

12Paginuguti nu su Allah endu su sinugu nin, amayka menda kanu (di kanu tumalima) na kapapedsampay bu sa mapayag su manga sinugu.

ٱللَّهُ لَآ إِلَٰهَ إِلَّا هُوَۚ وَعَلَى ٱللَّهِ فَلۡيَتَوَكَّلِ ٱلۡمُؤۡمِنُونَ﴿١٣﴾

13Allah, da kadenan ya tabya na sekanin (Allah) endu su Allah ipedsaligan nu manga bamaginugut.

يَٰٓأَيُّهَا ٱلَّذِينَ ءَامَنُوٓاْ إِنَّ مِنۡ أَزۡوَٰجِكُمۡ وَأَوۡلَٰدِكُمۡ عَدُوّٗا لَّكُمۡ فَٱحۡذَرُوهُمۡۚ وَإِن تَعۡفُواْ وَتَصۡفَحُواْ وَتَغۡفِرُواْ فَإِنَّ ٱللَّهَ غَفُورٞ رَّحِيمٌ﴿١٤﴾

14Hay sekanu anan a bamaginugut! Aden kanu manga kaluma nu endu su manga wata nu i satru (kuntra) nu, na ingati nu, na amayka pasagaden nu endu tigkelan nu, na ampunen nu na saben-sabenal su Allah na bangampun a malimu.

إِنَّمَآ أَمۡوَٰلُكُمۡ وَأَوۡلَٰدُكُمۡ فِتۡنَةٞۚ وَٱللَّهُ عِندَهُۥٓ أَجۡرٌ عَظِيمٞ﴿١٥﴾

15Saben-sabenal su manga tamuk nu endu su manga wata nu na fitna, lu saAllah i balas a masla.

فَٱتَّقُواْ ٱللَّهَ مَا ٱسۡتَطَعۡتُمۡ وَٱسۡمَعُواْ وَأَطِيعُواْ وَأَنفِقُواْ خَيۡرٗا لِّأَنفُسِكُمۡۗ وَمَن يُوقَ شُحَّ نَفۡسِهِۦ فَأُوْلَٰٓئِكَ هُمُ ٱلۡمُفۡلِحُونَ﴿١٦﴾

16Ikagilek nu su Allah sa magaga nu, endu pakikineg kanu endu paginugut kanu, endu embaranggya (enggastu) kanu, ka entuba i makagkapya sa ginawa nu, su taw a tebpeden nin su kasingit na entuba i nakauntung.

إِن تُقۡرِضُواْ ٱللَّهَ قَرۡضًا حَسَنٗا يُضَٰعِفۡهُ لَكُمۡ وَيَغۡفِرۡ لَكُمۡۚ وَٱللَّهُ شَكُورٌ حَلِيمٌ﴿١٧﴾

17Upama pautangen nu su Allah sa mapya na takepen nin sa lekanu endu ampunen kanu nin, su Allah na masukur a matigkel.

عَٰلِمُ ٱلۡغَيۡبِ وَٱلشَّهَٰدَةِ ٱلۡعَزِيزُ ٱلۡحَكِيمُ﴿١٨﴾

18Katawan nin (Allah) su gayb endu su mapayag, sekanin (Allah) i mapulu a mataw mapandadayta.

← Al-MunafiqunAt-Talaq→

RELATED SURAHS

7

Al-A'raf

The Heights

18

Al-Kahf

The Cave

22

Al-Hajj

The Pilgrimage

1

Al-Fatiha

The Opening

Browse all 114 surahs