Al-Jumu'ah

الجمعة

Friday • 11 ayahs • Medinan

بِسْمِ ٱللَّهِ ٱلرَّحْمَٰنِ ٱلرَّحِيمِ

يُسَبِّحُ لِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِ ٱلۡمَلِكِ ٱلۡقُدُّوسِ ٱلۡعَزِيزِ ٱلۡحَكِيمِ﴿١﴾

1Pedtasbih sa Allah su dalem nu manga langit endu su lupa, a pakamilik, a suti a mapulu, a mapambetad sa di madaway.

هُوَ ٱلَّذِي بَعَثَ فِي ٱلۡأُمِّيِّـۧنَ رَسُولٗا مِّنۡهُمۡ يَتۡلُواْ عَلَيۡهِمۡ ءَايَٰتِهِۦ وَيُزَكِّيهِمۡ وَيُعَلِّمُهُمُ ٱلۡكِتَٰبَ وَٱلۡحِكۡمَةَ وَإِن كَانُواْ مِن قَبۡلُ لَفِي ضَلَٰلٖ مُّبِينٖ﴿٢﴾

2Sekanin (Allah) i napambwat lu sa Arab sa sinugu a bansa nilan, sa batiyan nin sa kanilan su ayat endu sutin nin silan endu pamandun nin silan kanu kitab endu hukuman, a saben-sabenal a tading silan sa da pan makambuwat (su sinugu).

وَءَاخَرِينَ مِنۡهُمۡ لَمَّا يَلۡحَقُواْ بِهِمۡۚ وَهُوَ ٱلۡعَزِيزُ ٱلۡحَكِيمُ﴿٣﴾

3Endu su kaped a manga taw a nangawli a da nilan den masawt su rasul, sekanin (Allah) i mapulu a mataw mapambetad sa di madaway.

ذَٰلِكَ فَضۡلُ ٱللَّهِ يُؤۡتِيهِ مَن يَشَآءُۚ وَٱللَّهُ ذُو ٱلۡفَضۡلِ ٱلۡعَظِيمِ﴿٤﴾

4Entu ba na kalbihan nu Allah kanu entayn i magkahanda nin, ka su Allah i kigkuwan sa kalbihan a masla.

مَثَلُ ٱلَّذِينَ حُمِّلُواْ ٱلتَّوۡرَىٰةَ ثُمَّ لَمۡ يَحۡمِلُوهَا كَمَثَلِ ٱلۡحِمَارِ يَحۡمِلُ أَسۡفَارَۢاۚ بِئۡسَ مَثَلُ ٱلۡقَوۡمِ ٱلَّذِينَ كَذَّبُواْ بِـَٔايَٰتِ ٱللَّهِۚ وَٱللَّهُ لَا يَهۡدِي ٱلۡقَوۡمَ ٱلظَّٰلِمِينَ﴿٥﴾

5Ini-upama su manga taw a inenggan sa Taurat a da nilan enggalebeka sa mana su himar a linulanan sa kitab (dala sabut nin kanu lulan nin), na mawag a benal i nalagidan nu manga taw a napandalbut kanu manga ayat nu Allah, endu su Allah na di nin tutulun su manga taw a manga dupang.

قُلۡ يَٰٓأَيُّهَا ٱلَّذِينَ هَادُوٓاْ إِن زَعَمۡتُمۡ أَنَّكُمۡ أَوۡلِيَآءُ لِلَّهِ مِن دُونِ ٱلنَّاسِ فَتَمَنَّوُاْ ٱلۡمَوۡتَ إِن كُنتُمۡ صَٰدِقِينَ﴿٦﴾

6Edtalu ka (Muhammad) kanu manga Yahudi: amayka benal su kadtalu nu i sekanu bu i kalilinyan nu Allah sa dala kaped na palnganay nu i matay kanu amayka benal i kadtalu nu.

وَلَا يَتَمَنَّوۡنَهُۥٓ أَبَدَۢا بِمَا قَدَّمَتۡ أَيۡدِيهِمۡۚ وَٱللَّهُ عَلِيمُۢ بِٱلظَّٰلِمِينَ﴿٧﴾

7Endu di nilan bun mapalnganay sabap sa kanu kadarwakan nilan a nawna, su Allah i mataw kanu manga dupang.

قُلۡ إِنَّ ٱلۡمَوۡتَ ٱلَّذِي تَفِرُّونَ مِنۡهُ فَإِنَّهُۥ مُلَٰقِيكُمۡۖ ثُمَّ تُرَدُّونَ إِلَىٰ عَٰلِمِ ٱلۡغَيۡبِ وَٱلشَّهَٰدَةِ فَيُنَبِّئُكُم بِمَا كُنتُمۡ تَعۡمَلُونَ﴿٨﴾

8Edtalu ka (Muhammad): su kapatay a balaguyan nu na madsumbak nu bun, mawli na lu kanu makambalingan kanu mataw sa mapayag-masulen, ka inggay sa lekanu su balas nu pinggalebekan nu.

يَٰٓأَيُّهَا ٱلَّذِينَ ءَامَنُوٓاْ إِذَا نُودِيَ لِلصَّلَوٰةِ مِن يَوۡمِ ٱلۡجُمُعَةِ فَٱسۡعَوۡاْ إِلَىٰ ذِكۡرِ ٱللَّهِ وَذَرُواْ ٱلۡبَيۡعَۚ ذَٰلِكُمۡ خَيۡرٞ لَّكُمۡ إِن كُنتُمۡ تَعۡلَمُونَ﴿٩﴾

9Hay sekanu anan a bamaginugut! Amayka minebang sa kadsambayang sa jum’at na pamagayas kanu lu kanu pedtademan sa Allah (masjid), itagak nu su kabpasay, ka entu ba i makag-kapya sa lekanu umana bu ka katawan nu.

فَإِذَا قُضِيَتِ ٱلصَّلَوٰةُ فَٱنتَشِرُواْ فِي ٱلۡأَرۡضِ وَٱبۡتَغُواْ مِن فَضۡلِ ٱللَّهِ وَٱذۡكُرُواْ ٱللَّهَ كَثِيرٗا لَّعَلَّكُمۡ تُفۡلِحُونَ﴿١٠﴾

10Amayka nakapasad edsambayang na embukakal kanu kanu lupa ka pangilay nu su limu nu Allah, na tademi nu bun sa madakel su Allah, ka malemu-lemu i makauntung kanu.

وَإِذَا رَأَوۡاْ تِجَٰرَةً أَوۡ لَهۡوًا ٱنفَضُّوٓاْ إِلَيۡهَا وَتَرَكُوكَ قَآئِمٗاۚ قُلۡ مَا عِندَ ٱللَّهِ خَيۡرٞ مِّنَ ٱللَّهۡوِ وَمِنَ ٱلتِّجَٰرَةِۚ وَٱللَّهُ خَيۡرُ ٱلرَّٰزِقِينَ﴿١١﴾

11Amayka nakailay silan sa dagangan atawaka kabimbanan na lu ba silan mibpawang, tinagak ka nilan sa pedtindeg ka sa mimbar, edtalu ka sa kanilan su lu sa Allah na ya pan mapya kanu manga dagangan endu kasimpangan, su Allah i mapya kanu langun na pe-rizki.

← As-SaffAl-Munafiqun→

RELATED SURAHS

1

Al-Fatiha

The Opening

14

Ibrahim

Abraham

108

Al-Kawthar

The Abundance

36

Ya-Sin

Ya-Sin

Browse all 114 surahs