Al-Waqi'ah

¹Tango likambo monene ekokweya,

²Koya na yango ezali lokuta te.

³Akokitisaka (basusu) mpe akotombolaka (basusu)

⁴Tango mabele makoninganaka makasi,

⁵Mpe tango bangomba bikokutoamaka mike mike,

⁶Mpe mikokoma putulu mizali kopanzana.

⁷Mpe bokozalaka lisanga misato:

⁸Bato ya ngambu ya loboko ya mobali bango ba nani bato ya ngambu ya loboko ya mobali!

⁹Mpe bato ya ngambu ya loboko ya mwasi bango ba nani bato ya ngambu ya loboko ya mwasi!

¹⁰Bato ya liboso (baye balandaki mibeko mia Allah na mabele) bakozalaka bato ya liboso na mokolo ya suka.

¹¹Baye wana nde bakozalaka pene na Allah.

¹²O kati ya bilanga (bia lola) ya bolamu.

¹³Bazali ebele oyo baponami kowuta na bato ya liboso,

¹⁴Мре moke okati ya bato ya sima.

¹⁵(Bakolala) likolo lia bambeto bibongisami na wolo,

¹⁶Bayekami likolo na yango bazali kotalana. (na kimia)

¹⁷Kati na yango bilenge mibali bakozalaka wana тропа kosalela bango libela na libela,

¹⁸Mpe bakopo na bitiyelo, mpe nkeni mitondi na masanga ya elengi. (тропа bomeli).

¹⁹(Masanga wana) ekolangwisaka bango te mpe ekopesaka bango mutu pasi te.

²⁰Mpe (bakoliaka) bambuma oyo bakolingaka,

²¹Mpe (bakoliaka) lolenge nyoso ya mișuni ya bandeke oyo balingi.

²²Mpe bakozalaka na basi ya miso ya minene mpe ya kitoko na kotala,

²³Lokola mabanga kitoko ya ebale ezali kongenga,

²⁴Lifuta тропа maye basalaki.

²⁵Okati na yango, bakoyoka maloba mabe te, mpe ya pamba pamba te.

²⁶Bakolobaka se: Liloba ya kimia na kimia.

²⁷Mpe bato ya loboko ya mobali, ba nani yango bato ya loboko ya mobali!

²⁸Bakofanda na nsé ya banzete oyo bizanga nzube. Sidr,

²⁹Na banzete ya makemba na bitabe,

³⁰Na nsé ya malili ya monene,

³¹(pene) na mayi oyo ezali kolekana ya libela,

³²Mpe bambuma ebele,

³³Babuki yango te mpe epekisami te.

³⁴O likolo lia bambeto ya likolo.

³⁵Biso nde tokelaki bango na bokeli,

³⁶Mpe tosalaki bango bayebi mibali te,

³⁷Bazali bambula ndenge moko.

³⁸Mpona bato ya loboko ya mobali.

³⁹Baponami ebele bazuami okati ya baye baleka liboso,

⁴⁰Bazali mpe ebele okati ya bato ya suka.

⁴¹Мре bato ya ngambu ya loboko ya mwasi, ba nani yango wana!

⁴²Bakozalaka na kati ya mopepe ya moto ya lifelo, mpe na mayi ya moto makasi koleka,

⁴³Mpe na nsé ya elili ya milinga ya moyindo,

⁴⁴(kati na yango) malili te mpe kitoko te.

⁴⁵Bazalaki liboso na bomoyi ya kitoko.

⁴⁶Bazalaki kosala masumu minene mpe kosangisa Allah mingi.

⁴⁷(Bazali koloba): Soki tokufi tokomi mikuwa mpe putulu, boye tokosekwisamaka lisusu?

⁴⁸Na bankoko ya biso ya yambo?

⁴⁹Loba: Ya soló, ba oyo ya liboso na ya suka,

⁵⁰Bakosangisama na bokutani ya mokolo moyebani.

⁵¹Na yango bino babungi baye boboyaki kondima (na mokolo ya suka),

⁵²Bokoliaka ya soló, bitape bia nzete ya zaqqúm[1].

⁵³Mabumu na bino makotondaka na yango.

⁵⁴Sima bokomelaka mayi ya moto ya makasi.

⁵⁵Bokomelaka (yango) lolenge ibili amelaka na mposa (nyoso).

⁵⁶Wana nde bilei oyo bakoyambaka bango na yango o mokolo ya suka.

⁵⁷Biso nde tokela bino, kasi тропа nini bozali kondima na mokolo ya suka te?

⁵⁸Boye bozali kornona te mayi oyo bozali kobimisa yango na mokongo?

⁵⁹Bino nde bokela yango to biso nde bakeli?

⁶⁰Biso nde tosila кокота liwa kati na bino, mpe eloko moko ekopekisa biso te,

⁶¹Mpo totiya na esika na bino (bato) misusu lokola bino, mpe tobotisa bino na lolenge oyo boyebi te.

⁶²Mpe bosilaki koyeba bokeli bwa liboso; boye bozali kokanisa te?

⁶³Boye bozali kornona biloko oyo bozali kobimisa yango (nanse ya mabele)?

⁶⁴Ezali bino nde bolonaka yango to biso nde baloni?

⁶⁵Soki tolingaki, nde tokomisaki yango makala, nde botikalaki kokamwa. (mpe kobeta misapi sima)

⁶⁶Tala biso tokomi na banyongo,

⁶⁷Kasi bapimeli nde biso.

⁶⁸Boye bozali kornona mayi oyo bozali komela?

⁶⁹Bino nde bokitisaka yango kowuta na mapata to biso nde bakitisi?

⁷⁰Soki tolingaki, nde tokomisaki yango mungwa mungwa, boye тропа nini bozali kopesa matondo te? (epai ya Allah).

⁷¹Boye bozali kornona moto oyo bozali kopelisa te?

⁷²Bino nde bokela nzete yango to biso nde bakeli?

⁷³Totiyaki yango ezala bokundoli (тропа lolenge lifelo ekozala), mpe esalisa baye bazali na mposa na yango (тропа baye bazali na mobembo)

⁷⁴Kumisa nkombo ya Nkolo nayo ya monene.

⁷⁵(Te) nalapi na bisika minzoto mikweyaka,

⁷⁶Ya sôló, ezali kolapa ya monene soki boyebaka,

⁷⁷Ya soló, kurani oyo ezali na lokumu,

⁷⁸Ebatelami kati na buku.

⁷⁹Basimbaka yango te sé na bapetoami,

⁸⁰Ekita kowuta epai ya Nkolo ya mokili.

⁸¹Boye bozali kozua liloba oyo na lokuta?

⁸²Boye na lolenge wana nde bokozala na botondi na bozui na bino, ete boboya kondima na kurani?

⁸³Tango mpema ekomata tii na mongongo,

⁸⁴Mpe tango wana bozali kotala.

⁸⁵Mpe biso tozali pembeni naye koleka bino, kasi bozali kornona te.

⁸⁶Boye soki boyebi ete bozali na nsé ya mibeko na biso te (bokosekwisama te, to mpe bokofutama te).

⁸⁷Bozongisa yango (molimo) soki bozali na bosembo?

⁸⁸Soki akozala na molongo ya bato ya pembeni ya (Allah),

⁸⁹(Na yango akozala): Na bopemi mpe ngrásia okati ya lola ya esengo.

⁹⁰Mpe soki azali o kati ya bato ya loboko ya mobali,

⁹¹(Bakoyambaka ye na liloba ya): Kimia ezala nayo, mpo ozali ngambu ya loboko ya mobali!

⁹²Kasi soki azalaki okati ya baye baboyaki mpe babungi,

⁹³Akokitisama okati ya mayi ya moto ya makasi.

⁹⁴Mpe akozikisama okati ya moto.

⁹⁵Wana nde likambo ya soló.

⁹⁶Kumisa nkombo ya Nkolo nayo ya monene