Ad-Dukhan

¹Hâ, mîm.[1]

²Na buku (kurani) ya polele.

³Ya soló, tokitisaki yango o butu ya mapamboli. Ya soló, biso tozali bakebisi.

⁴O kati na yango mokano ya makambo manso ya bwanya mazali kozuama.

⁵Motindo kowuta epai na biso. Biso nde totindaka.

⁶Mawa kowuta na Nkolo wayo. Ya sólo ye azali moyoki atonda boyebi.

⁷Nkolo ya likolo na mabele na manso maye mazali otei na yango mibale. Soki ya sólo bozali na tembe te.

⁸Nzambe mosusu azali te ya kobondela na bosóló sé ye apesaka bomoyi na liwa, Nkolo wa bino mpe Nkolo ya bankoko na bino wa yambo.

⁹Kasi bango (bato) wana bazali na tembe, bazali kosakana.

¹⁰(Malamu) zela mokolo oyo likolo ekoya na molinga ya polele.

¹¹Ekozipa bato, oyo nde etumbu ya makasi.

¹²Nkolo; tiya etumbu mosika na biso, ya soló tozali bandimi.

¹³Lolenge nini bokundoli na mitema epesa bango pasi, kasi motindami asilaki koyela bango polele.

¹⁴Sima bapesi yango mokongo mpe balobi: Batangisa ye, azali na ligboma.

¹⁵Tokolongola etumbu moke. Ya sólo, bozali bato mabe.

¹⁶Mokolo tokobeta na ndenge ya mabe, mpo ete biso esengeli tosala bongo.

¹⁷Мре liboso na bango, tomekaki bato ya falo, mpe motindami ya malamu ayelaki bango.

¹⁸(Ayebisi) bango: Bopesa ngai bawumbu ya Allah, nazali motindami malamu epai na bino.

¹⁹Bomilakisa te epai ya Allah na kosalela ye lolendo. Ya solo, nayeli bino elembo ya polele.

²⁰Mpe ya soló, nazali koluka libateli epai ya Nkolo wa ngai, mpe Nkolo wa bino. Mpo ete bobamba ngai mabanga te.

²¹Mpe soki bondimeli ngai te, bomitiya mosika na ngai.

²²Abengaki Nkolo wa ye, ya solo bazali batomboki.

²³Sala mobembo na butu elongo na bawumbu na ngai, mpo ete bokolandama (na banguna na bino).

²⁴Tika ebale lolenge wana, esengeli na bango bazinda (kokufa)

²⁵Boni batikaki kati na bilanga na miluka,

²⁶Bilanga na milona na bandako ya kitoko,

²⁷Na bilengi biye bazalaki kosepela kati na yango?

²⁸Lolenge wana nde ezalaka, mpe tokitanisaki yango bato mosusu.

²⁹Ezala likolo na mabele etikalaki kolela te na kozela.

³⁰Mpe tobikisaki bana ya isalayele na etumbu ya nsoni.

³¹Kowuta epai ya falo oyo amilakisaki okati ya bato mabe.

³²Mpe tosilaki kotiya bango bazala elembo тропа molongo mobimba.

³³Mpe topesaki bango makamwisi тропа komeka bango.

³⁴Ya soló, ba oyo wana bazali koloba.

³⁵Liwa тропа biso nde oyo ya yambo, tokoki kosekwa lisusu te (sima na yango).

³⁶Bozongisa bankoko na biso soki bozali koloba bosóló.

³⁷Boye bango nde bato malamu to bato ya tubbai (motindami to moto malamu), baye bazalaki liboso na bango, tobomaki bango mpo ete bazalaki bato mabe?

³⁸Mpe tokelaki likolo na mabele mpe manso maye mazali kati na yango pamba te.

³⁹Tokelaki yango mibale na bosóló, kasi ebele na bango bazali koyeba te.

⁴⁰Ya sólo, o mokolo mwa bokati (makambo ya bato) nde ekozalaka elaka na bango banso.

⁴¹Mokolo moye moninga to moto ya pene akosalisaka yo na eloko te, mpe bakosunganaka te.

⁴²Longola sé oyo Allah akoyokelaka mawa. Ya soló, ye azali wa bokasi atonda ngolu.

⁴³Ya soló nzete ya Zaqqúm.

⁴⁴Ekozalaka bilei ya basumuki.

⁴⁵Lokola mafuta ya mabe, ezali kotokisa libumu.

⁴⁶Lokola kotoko ya mayi ya moto ya makasi.

⁴⁷Bozua ye mpe bomema ye o kati ya moto.

⁴⁸Sima bobwakela ye mayi ya moto na motu naye, lokola etumbu makasi.

⁴⁹Meka, ya sólo, yo (okanisaki ete) ozali na bokasi mpe lokumu!

⁵⁰Wana nde maye bozalaki kotiya tembe mpe kobundisa.

⁵¹Ya sólo, babangi bakozalaka na bovandi bwa kitoko.

⁵²Kati na bilanga na mingala (mia lola)

⁵³Bakolataka bilamba bia pepele ya pembe bitongama bazali kotalana.

⁵⁴Na yango, tokobalisa bango basi ya kitoko ya miso ya minene.

⁵⁵Mpe na kimia penza bakosengaka kati na yango bambuma kitoko ya lolenge nyoso.

⁵⁶Liwa likozuaka bango te, sé oyo ya liboso mpe abateli (Allah) bango na etumbu ya lifelo.

⁵⁷Bolamu ya Nkolo wayo. Wana nde elonga ya monene.

⁵⁸Mpe ya soló, tokomisaki yango mpete na lolemu nayo mpo ete; basalisana na yango na bokundoli.

⁵⁹Zela moke, bango mpe bakozela.[1]