Az-Zukhruf

¹Há, mím.[1]

²Mpe buku eye elimbolama polele.

³Ya sôló, totiaki yango kurani na lokota ya arabo mpo ete bokanisa.

⁴Mpe ya sôló, yango ezali o kati ya mama ya makomi pembeni na biso o likolo koleka etonda bwanya.

⁵Boye tóbetela bino bokundoli ete bozalaki bato mabe?

⁶Boni kati ya bantoma baye totindaki epai ya bato ya yambo?

⁷Ntoma atikalaki koyela bango te sé kino batióla ye.

⁸Mpe tobomaki mingi koleka kati na bango, mpe tosilaki kotanga ndakisa ya bato ya yambo.

⁹Mpe soki otuni bango; nani akela likolo na mabele? Bakolobaka: ya soló, oyo akela yango nde oyo azali na bokasi atonda boyebi.

¹⁰Oyo atiyelaki bino mabele ezala etando ya kofanda, mpe atiyeli bino banzela kati kati na yango mpo bokambamaka (na yango).

¹¹Ye nde akitisaka mayi kowuta na likolo na bokoki, mpe tozali kopesa na yango bomoyi na mboka oyo ekufa (ekawuka), mpe lolenge wana nde bokobimisama.

¹²Mpe ye nde akela balongani mibale mibale bango banso, mpe asaleli bino masuwa na banyama mpo bomataka na yango.

¹³Mpo ete bofanda na mikongo mia yango, mpe bokanisa bolamu ya Nkolo wa bino osima ya komata na yango mpe bokolobaka: lokumu ya oyo asaleli biso maye, mpe tozalaki na makoki ya kosala yango te.

¹⁴Mpe ya soló epai ya Nkolo wa biso nde tokozongaka.

¹⁵Mpe kati ya bawumbu naye oyo akela bango bazueli ye bambanda. Ya soló, moto azali na bopengwi monene mpe ya polele.

¹⁶To na kati ya maye akela aponi bana basi (ba anzelu), mpe asali bino bana mibali?[1]

¹⁷Мре soki bapesi moko kati na bango sango ya maye bazali kopesa na Ar-Rahmân[1] (Allah) (тропа kobotama ya mwana mwasi), okomona elongi naye ekomi moyindo na mawa. (etondi na pizoli na kosilika)

¹⁸(Soki batuni ye) ezali nini? (Akolobaka ezali nde mwana mwasi), oyo akoki kosala ata eloko moko te, mpe akoki mpe kotelema тропа koloba polele te, sé kosala mabe.

¹⁹Mpe bazali kokomisa baanzelu baye bazali bikelamu ya Ar-Rahmân ete bazali basi. Boye bazalaki banzeneneke na bokelami na bango? Ekokomama maye bazalaki koloba mpe bakotunama[1].

²⁰Mpe bazali koloba ete: Soki Ar-Rahmân[1] alingaki nde tobondeli bango te, bazali na boyebi moko te, bazali sé na makanisi mabe.

²¹To boye topesaki bango buku liboso mpo basimbama na yango?

²²Kasi bakolobaka ete: Tokutaki bankoko na biso na lingomba oyo mpe tozali na bokambami mpe tozali sé kolanda yango.

²³Мре lolenge wana nde totindaki liboso nayo mokebisi na engumba sé bato ya bozui kati na yango baboya (ye) mpe baloba: Tokutaki bankoko na biso na lingomba oyo, tokolanda sé nzela na bango.

²⁴(Mokebisi) alobi ata soki nayeli bino nzela ya semba koleka oyo ya bankoko na bino? Bakoyanolaka: Tokondima na maye oyei na yango te.

²⁵Tozuaki bango mabe, mpe tala lolenge nini bato ya lokuta basukaki.

²⁶Mpe tango Ibrâhîm alobaki na tata waye na bato naye: Ya soló, ngai namitiye mosika na maye bozali kobondela.

²⁷Longola sé oyo akela ngai, ya sólo ye nde akokamba ngai na (nzela ya semba)

²⁸Mpe atiaki liloba bango litikala na libota lia ye, na ntina ete bamizongisa epai ya Allah.

²⁹Kasi napesaki bango na batata na bango bisengo ya токе kino bosembo (kurani) eyelaki bango mpe na motindami ya polele.

³⁰Mpe tango bosóló eyelaki bango balobi: Oyo ezali bondoki bwa polele, mpe tokondimela yango te.

³¹Мре balobaki: Mpona nini bakitisaki kurani te ata epai ya moto ya monene kati ya bamboka mibale?

³²Boye bango nde bakabolaka bolamu ya Nkolo wayo? Tokabolelaki bango bomoyi bwa bango kati na mokili, totomboli basusu koleka baninga, mpo basusu bazala basali ya baninga. Mpe ngolu ya Nkolo wayo ezali malamu koleka maye bazali kosangisa.[1]

³³Soki (bobangi) te ete bato bazala umma[1] moko (ya libungi), nde totielaki bapengwi ya Ar- Rahmán[2] mpona bandako na bango motondo ya mabende ya pembe mpe ngala-ngala (ebuteli) mpo bamataka na yango.

³⁴(nde totielaki bango) na bandako na bango bikuke mpe bambeto ya kitoko oyo bakofandela[2].

³⁵Na bonzenga. Wana nyoso ezali mpona bosepeli ya bomoyi bwa mokili, kasi ya mokolo mwa suka epayi ya Nkolo nayo ezali mpona babangi.[1]

³⁶Na oyo akokanga miso (mpe amitiye mosika) mpona bokundoli bwa Ar-Rahmân[2], tokotiela ye satana azala moninga naye ya libela.

³⁷Мре ya soló, bazali kopekisa bango nzela, mpe ya sólo, bazali kokanisa ete bazali na nzela ya semba.

³⁸Kino moto wana akokoma epai na biso akoloba na elima naye ete: Mawa na ngai! Soki ntaka kati na ngai nayo lokola moniele na eloli, mpe oyo moninga ya mabe!

³⁹Mokolo mona mokosalisaka bino na eloko te mpo bozalaki babubi, bokosanganaka okati ya etumbu.

⁴⁰Boye, yo nde ozali na bokoki ya koyokisa mokufi matoyi to boye okambaka mokufi miso to oyo azali na libungi ya polele?

⁴¹To mpe tokotombola yo na likolo (koboma yo), mpe ya sólo, tokosilana na bango.

⁴²To tolakisa yo mabe oyo tolakaki bango (etumbu) kasi tozali na bokasi likolo na bango.

⁴³Zala na bokangami na maye bamoniselaki yo. Ya sólo, ozali na nzela ya semba.

⁴⁴Ya sólo (kurani oyo), ezali bokundoli тропа yo mpe bato nayo. Mpe mosika te bokotunama[1].

⁴⁵Мре tuna batindami ba biso baye totindaki liboso nayo, boye tozalaki kozua banzambe misusu na botiki Ar-Rahmán[2] тропа kobondela bango?

⁴⁶Mpe tosilaki kotinda Mûssa na makamwisi та biso epai ya falo na bato naye (bankumu), mpe alobaki: Ya soló, nazali motindami ya Nkolo ya mokili.

⁴⁷Mpe tango bayeli bango makamwisi та biso, okomona bango bazali koseka yango.

⁴⁸Mpe na likamwisi nyoso na oyo tolakisaki bango, ezalaki makasi mingi koleka oyo ya liboso. Mpe topesaki bango etumbu mpo tango mosusu bakoki komizongisa epai na biso.

⁴⁹Mpe balobi ete: Oh yo nganga! Sengela biso Nkolo nayo тропа maye alakaki epai nayo, na yango tokokambama ya sólo na nzela ya semba.

⁵⁰Mpe tango tolongoleli bango etumbu, okomona bango wana babuki mibeko ya elaka.

⁵¹Mpe falo abengi bato naye alobi: Oh bato na ngai! Bokonzi ya ezipito ezali na ngai te, mpe mayi ya ebale oyo ezali kotambola na nsé na ngai, boye bozali kornona te?

⁵²To boye nazali malamu te koleka moto mpamba oyo, mpe alobaka polele te?

⁵³Mpona nini babwakeli ye basinga ya wolo ya maboko te, to mpe ba anzelu baya naye elongo!

⁵⁴Na boye nde abangisaki bato naye mpe batosi ye. Ya soló, bazalaki bato mabe.

⁵⁵Mpe tango bapesaki biso kanda makasi, tozuaki bango mpe tozindisaki bango banso.

⁵⁶Mpe totiaki bango bazala liteya mpona baye bakoya sima na bango.

⁵⁷Mpe tango ndakisa ya mwana ya Maryam, epesamaki bato nayo bakomaki koyima yima (bamoni yango pamba)

⁵⁸Balobi banzambe na biso to ye, nani azali malamu? Babeti ndakisa wana sé mpona yo na lolenge ya bilobaloba, kasi bazali sé bato balutisaki kosuana.

⁵⁹(Issa) azali sé mowumbu oyo topessaki ye bolamu, mpe tozalisa ye ndakisa mpona bana ya isalayele.

⁶⁰Soki tolingaki nde totiaki kati na bino ba anzelu awa na nsé bazali kokitana.

⁶¹Mpe ya soló, akozala elembo тропа mokolo ya suka,botia tembe te, mpe bolanda ngai. Oyo nde nzela ya semba.

⁶²Satana abungisa bino te mpo azali monguna ya polele тропа bino.

⁶³Mpe tango Issa ayaki na bilembo alobaki: Nayeli bino yango na bwanya, mpe mpo nalimbolela bino ndambo ya maye bozalaki kokesene na yango. Bobanga Allah mpe botosa ngai.

⁶⁴Ya solo, Allah azali Nkolo wa ngai, mpe Nkolo wa bino, bobondela ye. Oyo nde nzela ya semba.

⁶⁵Kasi bakeseneki kati kati na bango. Babubi bakozuaka mabe o mokolo mwa etumbu ya makasi.

⁶⁶Boye bazali kozela (mokolo ya suka) yango ekoyela bango mbalakaka mpe bakoyeba te?

⁶⁷O mokolo mona, baye balinganaki bakokomaka banguna kati kati na bango, longola sé babangi (Allah)

⁶⁸Eh! Bawumbu na ngai! Lelo, bozala na bobangi mpe niawa te.

⁶⁹В aye bandimaki na bilembo bia biso, mpe bazalaki kotosa (ba mizilima).

⁷⁰Bokota o kati ya Iola, bosala biyenga elongo na basi na bino, (bosepela)

⁷¹Basani mpe bakopo ya wolo biko balukaka, bikotiama liboso na bango, o kati na yango bitondi na maye mazali na mposa na bango mpe bosepelisi miso. Bokozala libela na kati na yango.

⁷²Wana ezali nde lola oyo bokitani yango, тропа maye bozalaki kosala.

⁷³Kati na yango bokozalaka na bambuma ebele тропа kólia.

⁷⁴Ya sôló, batomboki bakozalaka na etumbu ya moto ya lifelo libela.

⁷⁵Ekokutolama te mpe bakozanga elikia o kati na yango.

⁷⁶Tosalaki bango mabe te kasi bango moko nde bamisalaki mabe.

⁷⁷Mpe bakobelelaka: Oh Mâlik! Nkolo wayo aboma biso, akoyanolaka bango: Botikali libela o kati na yango.

⁷⁸Tosilaki koyela bino bosôló, kasi ebele kati na bino baboyaki yango.

⁷⁹Boye basili kokana likita, kasi biso nde tozali na likita.

⁸⁰To bazali kokanisa ete toyokaka sekele na koyima yima na bango na mongongo ya sé te? Iyo! Batindami na biso epai na bango bazali kokoma nyoso (ba anzelu)[1].

⁸¹Loba: Soki Ar-Rahmân[2] azalaka na mwana, nalingaki kozala wa yambo тропа kobondela.

⁸²Lokumu na Nkolo ya likolo na ya mabele, Nkolo ya ngwende na maye bazali koloba.

⁸³Tika bango bazinda na mabe mpe basakana kino bakokutana na mokolo mwa elaka na bango.

⁸⁴Ye nde azali Nzambe ya kobondela likolo mpe o nsé, тре azali wa bwanya atonda boyebi.

⁸⁵Mpe apambolami ye oyo azali na bokonzi ya nsé na ya likolo, na maye ezali okati na yango, mpe ye nde azali na boyebi ya tango ya suka. Mpe epai naye nde bokozongisama.

⁸⁶Мре baye bazali kobondela bango elongo naye (Allah), bakokoka te kolobela, longola sé baye batatoli bosembo mpe bango bazali koyeba.

⁸⁷Mpe soki otuni bango nani akela bango, bakolobaka: Ya soló ezali Allah, kasi тропа nini bazali kopesa ye mokongo?

⁸⁸Mpe liloba lia ye (ntoma Muhammad epai ya Allah): Nkolo! Ya soló, bato wana bakondimaka te.

⁸⁹Malamu, mitiya mosika na bango (limbisa bango) mpe loba: Boboto. Kala mingi te bakoyebaka[1].