Al-Mu'minun

¹Bandimi basila kolonga.

²Baye bamikitisaka tango bazali kosambela.

³Mpe baye bazali kokima (makambo) maye mazanga ntina.

⁴Mpe baye bazali kobimisa zakat.

⁵Mpe baye bazali kobatela mitakala mia bango na ekobo,

⁶Longola sé epai na basi na bango, to mpe bawumbu basi baye bazali na maboko na bango (bakoki kofanda na bango mwasi na mobali) mpo ete wana bakopamelama te.

⁷Na yango, moto oyo akoluka kolekisa ndelo wana, bango nde babuki mibeko,

⁸Mpe baye bazali kobatela mabombisi (amanati) oyo bapesi bango mpe bazali kotosa mpe kokokisa bilaka bia bango.

⁹Mpe baye bazali kobatela balosambo na bango.

¹⁰Bango nde bakitani.

¹¹Bakokitanelaka bisika ya likolo, na lola bakozalaka libela o kati na yango.

¹²Mpe tosilaki kokela moto na mabele ya potopoto,

¹³Sima tozalisaki ye litanga lia (mayi) ya ndembo kati ya ebombelo ya makasi.

¹⁴Sima tokomisaki mayi liboke ya makila sima makila ekomi mosuni, sima mosuni ekomi mokuwa, sima tolatisi mokuwa mosuni, sima tosali ye ekelamu mosusu. Mapamboli manso mazali ya Allah mokeli ya malamu,

¹⁵Sima na yango bokokufaka ya soló,

¹⁶Sima bokosekwisamaka ya soló o mokolo mwa suka,

¹⁷Мре tosilaki kokela o likolo na bino mapata sambo, mpe tozangaki bokebi te o tango ya bokeli.

¹⁸Mpe tozali kokitisa mayi kowuta o likolo na bokoki (mayi wana eleka ebele te), sima tovandisi yango na mabele, mpe tozali na bokoki ya kobungisa yango.

¹⁹Mpe kowuta na yango nde tozali kobimisela bino bilanga ya naghil na a’nâb, yango wana bozali na bambuma ebele, mpe bozali kolia bisusu o kati na yango.

²⁰Na nzete esusu ebimi na ngomba ya sinaî, ezali kobimisa mafuta тропа bopakoli тре тропа baleyi.

²¹Mpe ya soló, bibwele bizali liteya тропа bino, tozali komelisa bino maye mazali kobima na mabumu na yango (miliki) тре bizali kosalisa bino mingi, тре bozali kólia bisusu kati na yango.

²²Mpe na yango na bamasuwa bozali kokumbama.

²³Mpe tosilaki kotinda Nûh epai na bato naye alobi: Oh bato ba ngai! Bobondela Allah, bozali na nzambe mosusu te ya kobondela na bosôló na botiki ye. Boye bozali kobanga te?

²⁴Mpe bankumu bapengwi okati na bato naye balobi: Nini oyo, azali moto lokola bino. Alingi amatela bino, soki Allah alingaka, (kotinda ntoma) mbele akitisaki ba anzelu. Makambo oyo totikala koyoka yango epai ya bankoko na biso ya kala te.

²⁵Oyo sé moto ya ligboma, bótala ye sima ya tango токе.

²⁶Alobi: Nkolo wa ngai, sunga ngai mpo bazwi ngai moto ya lokuta.

²⁷Tomonisaki naye ete; salamasuwa na miso na biso mpe na mitindo mia biso mpe tango mokano na biso ekoya mpe mayi ekobima na makasi na litumbu,[1] kotisa na kati ya masuwa balolenge ya banyama moko na moko mwasi na mobali elongo na libota nayo, longola sé baye kati na bango liloba lisengeli likokisama likolo na bango. Kasi kotuna ngai te mpo na babubi, mpo ete bakozinda mbalakaka na mayi (bakokufa).

²⁸Mpe soki omati na masuwa yo na ba oyo ozali na bango, loba: Lokumu ya Allah oyo alongisi biso likolo ya bato mabe.

²⁹Mpe loba: Nkolo kitisa ngai na esika ya mapamboli, mpe yo nde mokitisi ya malamu.

³⁰Ya soló, wana nde bilembo. Mpe tozali ya sólo baye topesaka komekama.

³¹Sima na bango tokelaki bato basusu.

³²Mpe totindelaki bango motindami kowuta kati na bango moko mpo ayebisa bango ete: Bobondela Allah, bozali na nzambe mosusu te ya kobondela na bosôló na botiki ye, boye bozali kobanga te?

³³Mpe bankumu kati na bato naye na baye baboya kondimela elaka ya suka mpe topesi bango bolamu awa na nsé, balobi: Ye azali moto lokola bino, aliaka biloko oyo boliaka, mpe amelaka oyo bomelaka.

³⁴Kasi soki botosi moto oyo azali lokola bino, wana bosili kozanga.

³⁵Boye azali kolaka bino ete: Soki bokufi mpe bokomi putulu mpe mikuwa, ete bokobima (na malita)?

³⁶Mosika mosika тропа oyo bazali kolaka bino.

³⁷Wana ezali sé bomoyi ya biso oyo ya nsé, tozali kofanda mpe tozali kokufa kasi tokosekwa te.

³⁸Wana azali moto oyo azali kobukela Allah lokuta, mpe tokondimelaka ye te.

³⁹Alobi: Nkolo, sunga ngai mpo ete bazwi ngai moto wa lokuta.

⁴⁰(Allah) alobi: Iyo; kala mingi te bakokoma na mawa.

⁴¹Mpe ligangi esimbaki bango na bosôló, mpe tokomisaki bango lokola makasa ya kokawuka (mpe bakumbami na mayi makasi), mpe libebi тропа babubi.

⁴²Sima na bango tokelaki bato basusu.

⁴³Mokano ya umma[1] nyoso mokoki koleka eleko na yango te, mpe ekokutuama te.

⁴⁴Sima totindaki batindami na biso ya kolandisa, tango nyoso motindami akoyaka na umma moko bazui ye moto ya lokuta, mpe tolandisaki bango na bango, mpe tobetelaki bango másese (ya kokamwisa mpe kobangisa bango) mpe libebi тропа baye bandimaka te.

⁴⁵Sima totindaki Mûssa na ndeko waye Hânına na bilembo bia biso mpe bokonzi ya polele,

⁴⁶Epai ya falo na bankumu naye, (bato naye), basali lolendo, mpe bazalaki bato ya lolendo koleka.

⁴⁷Balobi: Tondimela bato mibale oyo bazali lokola biso, mpe bato na bango bazali bawumbu na biso?

⁴⁸Bazui bango nyoso mibale ete bazali bato ya lokuta, mpe bazuamaki[2] kati ya baye babebisamaki. buku mpo tango mosusu bakokambama.

⁴⁹Mpe tosilaki kopesa Mûssa buku mpo tango mosusu bakokambama.

⁵⁰Mpe totiyaki mwana ya Maryam na mama waye mpo (bazala) elembo, mpe totombolaki bango nyoso mibale na esika ya likolo na ngomba, eye ezali na kimia mpe na mayi ebele.

⁵¹Eh bino batindami! Boliya bilei ya malamu mpe bosala malamu. Ya soló, ngai nayebi maye bozali kosala.

⁵²Mpe umma[1] na bino oyo ezali sé umma[2] moko, mpe ngai nde Nkolo na bino bobanga ngai.

⁵³Mpe bakabwani[1] na makambo ya lingomba lia bango biteni biteni moto na moto azali kosepela na o ya ye.

⁵⁴Tika bango na libungi kino mwa ngonga moke.

⁵⁵Bazali kokanisa te, misolo na bana oyo tondimeli bango?

⁵⁶Tozali kopesa bango bolamu na lombango. Kasi bazali koyeba te.

⁵⁷Ya soló, baye na ntina ya bobangi Nkolo wa bango, batondisami na mawa.

⁵⁸Mpe baye bazali kondima na mikapo mia Nkolo wa bango.

⁵⁹Mpe baye basangisaka Nkolo wa bango na eloko te.

⁶⁰Mpe baye bazali kobimisa maye bapesi bango wana mitema mia bango mitondisami na bobangi (Nkolo wa bango), po bakozongaka epai ya Nkolo wa bango.

⁶¹Baye wana bazali kowelisa тропа kosala bolamu, mpe bazali bato ya yambo тропа kosala (yango).

⁶²Mpe topesaka moto mokumba te sé oyo ekoki naye, mpe buku oyo ezali koloba bosembo ezali nde epai na biso mpe bakobubama te.

⁶³Kasi mitema mia bango mitondi na libungi тропа (kurani) oyo, mpe bazali na misala misusu bazali kosala (bazali kosalela yango na lolenge esengeli te oyo Allah atindi),

⁶⁴Kino tokomekisaka bato ya bozwi etumbu 0 kati na bango. Mpe okomona bango bakomi koganga тропа kosenga lisalisi.

⁶⁵Boganga lelo te. Ya soló, bokozua lisungi na biso ata шоке te.

⁶⁶Bozalaki koboya mikapo mia ngai miye bazalaki kotangela bino liboso,

⁶⁷(Bozalaki) kosalela yango lolendo mpe kotiola yango na tango miso na bino ezalaki polele.

⁶⁸Boye bazali komanyola liloba na oyo te (kurani) to eyeli bango oyo eyelaki bankoko na bango te?

⁶⁹To bayebaki motindami na bango te, mpo ete baboya ye?

⁷⁰To, bazali koloba ete azali ligboma? Kasi ayelaki bango na bosôló, mpe ebele na bango bazali kondima te.

⁷¹Soki bosôló eyaki тропа kolanda bamposa na bango mbele mapata mpe mabele na maye mazali okati na yango malingaki kobeba, nzoka nde toyelaki bango bokundoli[1] na bango mpe bango тропа bokundoli na bango bazali kopesa mokongo.

⁷²To ozali kotuna bango lifuta? Kasi lifuta ya Nkolo nayo nde ezali malamu, ye mopesi bomengo ya malamu.

⁷³Mpe ya soló, ozali kobenga bango na nzela ya semba,

⁷⁴Mpe baye bandimaka te o mokolo mwa suka, bazali mosika na nzela yango.

⁷⁵Mpe soki topesaki bango ngolu na biso, mpe tolongola bango mpasi oyo bazalaki na yango, balingaki kotikala sé na masumu na bango mpe bakozinda mpenza kati na botomboki na bango.

⁷⁶Mpe tosilaki kopesa bango etumbu, kasi batosaki Nkolo wa bango te, mpe bamilelaki epai naye te (epai na Allah), тропа kosenga,

⁷⁷Kino tokofungolela bango ezibeli ya etumbu ya makasi, mpe bakozanga elikia (тропа bolamu ya Allah).

⁷⁸Mpe ye nde akela тропа bino, bomoni na boyoki na mitema, kasi bozali kotondo ye sé токе.

⁷⁹Ye nde akela bino mpe ati bino o mabele, bokosangisama epai naye.

⁸⁰Ye nde mopesi bomoyi mpe mopesi liwa, mpe ye nde mokesenisi butu na mokolo, boye bozali kokanisa te?

⁸¹Kasi balobaki se maye bato wa yambo balobaka.

⁸²Balobi: Tango tokokufaka, tokokomaka putulu mpe mikuwa. Ya soló, boye tokosekwisamaka lisusu?

⁸³Basila kolaka biso na batata na biso liboso тропа oyo, yango ezali sé masapo ya kala.

⁸⁴Loba: Mabele na oyo ezali okati na yango ezali ya nani? Soki soló bozali koyeba.

⁸⁵Bakolobaka: Ezali ya Allah. Loba: Boye bozali kokanisa te?

⁸⁶Loba: Mapata sambo ezali ya nani, тре nani Nkolo ngwende ya monene?

⁸⁷Bakolobaka: Ezali ya Allah. Loba: Boye bokobanga te?

⁸⁸Loba: Bokonzi bonso bosimbami na maboko ya nani? Azali kobatela, kasi babatelaka ye te, soki ya soló bozali koyeba?

⁸⁹Bakolobaka: Ezali ya Allah. Loba: Kasi тропа nini bozali lokola balokami? (тропа kozanga na bango kondima na bomoko ya nzambe).

⁹⁰Tomemelaki bango bosóló, kasi bango nde bato ya lokuta.

⁹¹Allah azali na mwana te, mpe ezali na nzambe mosusu te elongo naye, noki te, nzambe na nzambe alingaki kokende na bikelamu naye mpe basusu balingaki kozala likolo ya baninga. Nkembo mpe lokumu na Allah likolo ya maye bazali kolobela.

⁹²Ayebi mabombami mpe makambo ya polele, azali likolo ya maye bazali kosangisa ye na yango.

⁹³Loba: Nkolo; soki olakisaki ngai maye balakami.

⁹⁴(Na yango) Nkolo, kotika ngai o kati ya babubi te.

⁹⁵Ya soló, tozali na bokoki ya kolakisa yo maye tolaki bango.

⁹⁶Bengana mabe (kobongola) na kosala bolamu. Soló, toyebi malamu maye bazali kolobela.

⁹⁷Mpe loba Nkolo nazali kosenga nayo libateli тропа botombokisi ya basatana.

⁹⁸Mpe nazali kosenga nayo libateli Nkolo, ete bazala pene na ngai te.

⁹⁹Kino soki liwa ekomeli moko kati na bango akolobaka: Nkolo wa ngai, zongisa ngai.

¹⁰⁰Mpo nasala bolamu na maye natikaki na mokili, te, kasi ezali sé liloba oyo alobi, osima na bango ezali na ndelo, kino omokolo ya bosekwisami.

¹⁰¹Мре tango bakobetaka to kofula kelelo, mokolo wana kibondeko ekozalaka te, mpe bakotunanaka mituna te.

¹⁰²Baye emekelo na bango ekoleka kilo mingi, (тропа bolamu), bango nde balongi.

¹⁰³Mpe baye emekelo na bango ekozalaka fafala, bango moko nde bamibungisaki, mpe bakokotaka lifelo, mpe bakozalaka libela o kati na yango.

¹⁰⁴Moto mokozikisa bilongi bia bango, mpe bakozala o kati na yango na mbebo yakozikisama.

¹⁰⁵Mitangelama bino mikapo mia ngai te, kasi bozalaki kondimela yango te?

¹⁰⁶Bakolobaka: Nkolo wa biso, bamabe na biso elongi biso mpe tozalaki babungi nzela.

¹⁰⁷Nkolo wa biso, bimisa biso okati na yango, mpe soki tozongeli, tokozala babubi.

¹⁰⁸Alobi: Botikala na kati na kozanga lokumu, mpe bolobisa ngai te.

¹⁰⁹Ya soló, Ezalaki na lisanga moko ya bawumbu na ngai bakolobaka: Nkolo wa biso, tondimi, limbisa biso mpe yokela biso mawa. Ya soló, yo ozali wa ngolu otanda bolamu.

¹¹⁰Kasi botiolaki bango, kino ebosanisi bino kokumisa ngai, mpe bozalaki koseka bango

¹¹¹Ya sólo, lelo nazali kofuta bango тропа oyo bazalaki na bozeli na yango. Ya sólo, bango nde balongi.

¹¹²Bakotunaka bango, mibu boni bolekisaki o kati ya mokili?

¹¹³Bakolobaka: Tovandaki mokolo moko to ndambu ya mokolo, tuna batangi ya motango na yango. (baye bayebi kotanga mikolo miye havandaki)

¹¹⁴Akolobaka: Bovandaki sé tango ya mokie, ya sólo soki bozali koyeba.

¹¹⁵Boye bozali kokanisa ete tokelaki bino natina te, mpe bokozongisama epai na biso te?

¹¹⁶Lokumu na Allah wa likolo mokonzi ya sólo. Nzambe mosusu ya kobondela na bosoló azali te sé ye (mei) Nkolo ngwende ya lokumu.

¹¹⁷Mpe oyo akobondela elongo na Allah nzambe mosusu, azali na elembetele na yango ya polele te, ya soló lifuta naye mokozalaka sé epai ya Nkolo waye. Ya soló, bapengwi bakolonga te.

¹¹⁸Mpe loba: Nkolo limbisa mpe tiya ngolu, yo nde oleki na ngolu.