Al-Waqi'ah

الواقعة

The Event • 96 ayahs • Meccan

بِسْمِ ٱللَّهِ ٱلرَّحْمَٰنِ ٱلرَّحِيمِ

إِذَا وَقَعَتِ ٱلۡوَاقِعَةُ﴿١﴾

1کاتێك کە ڕووداوی گەورەی (قیامەت) ڕوویدا

لَيۡسَ لِوَقۡعَتِهَا كَاذِبَةٌ﴿٢﴾

2لەڕودانیدا ھیچ درۆ وگومانێك نیە

خَافِضَةٞ رَّافِعَةٌ﴿٣﴾

3نزم کەرەوەی (کەسانێکە و) بەرزکەرەوەیە (بۆ کەسانێکی تر)

إِذَا رُجَّتِ ٱلۡأَرۡضُ رَجّٗا﴿٤﴾

4کاتێك کە زەوی ھێنرایە جوڵان بە جوڵانێکی توند

وَبُسَّتِ ٱلۡجِبَالُ بَسّٗا﴿٥﴾

5وە شاخەکان زۆر وورد کران بەورد کردن

فَكَانَتۡ هَبَآءٗ مُّنۢبَثّٗا﴿٦﴾

6وە بوون بە تەپوتۆزی پرش وبڵاو

وَكُنتُمۡ أَزۡوَٰجٗا ثَلَٰثَةٗ﴿٧﴾

7وە ئێوە دەبنە سێ کۆمەڵ (لە دوا ڕۆژدا)

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ﴿٨﴾

8ئەمجا یارانی لای ڕاست ، کام یارانی لای ڕاست؟

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ﴿٩﴾

9وە یارانی لای چەپ، کام یارانی لای چەپ؟

وَٱلسَّٰبِقُونَ ٱلسَّٰبِقُونَ﴿١٠﴾

10وە پێشەکەوتوەکان ھەر خۆیانن پێش کەوتوو

أُوْلَٰٓئِكَ ٱلۡمُقَرَّبُونَ﴿١١﴾

11ئەوانەن نزیکانی (بارەگای خوا)

فِي جَنَّٰتِ ٱلنَّعِيمِ﴿١٢﴾

12لە بەھەشتانی پڕ نازو نیعمەتدان

ثُلَّةٞ مِّنَ ٱلۡأَوَّلِينَ﴿١٣﴾

13کۆمەڵێکی زۆرن لە (گەلانی) پێشینان

وَقَلِيلٞ مِّنَ ٱلۡأٓخِرِينَ﴿١٤﴾

14وە کەمێکن لە پاشینان (لە ئوممەتی موحەممەد ﷺ)

عَلَىٰ سُرُرٖ مَّوۡضُونَةٖ﴿١٥﴾

15لەسەر قەنەفە وکورسی چنراو بە ئاڵتون

مُّتَّكِـِٔينَ عَلَيۡهَا مُتَقَٰبِلِينَ﴿١٦﴾

16پاڵ ئەدەنەوە لەسەری بەرامبەر بەیەکتری

يَطُوفُ عَلَيۡهِمۡ وِلۡدَٰنٞ مُّخَلَّدُونَ﴿١٧﴾

17تازە لاوی ھەمیشەیی بەسەریاندا دەگەڕێن

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ﴿١٨﴾

18بەپەرداخ و سوراحیی وگڵاسی پڕ لەشەرابی سەرچاوەی ڕەوان

لَّا يُصَدَّعُونَ عَنۡهَا وَلَا يُنزِفُونَ﴿١٩﴾

19نەسەریان پێی دەێشێت ونەسەرخۆش ئەبن پێی

وَفَٰكِهَةٖ مِّمَّا يَتَخَيَّرُونَ﴿٢٠﴾

20میوەھاتیش کەخۆیان ھەڵی بژێرن

وَلَحۡمِ طَيۡرٖ مِّمَّا يَشۡتَهُونَ﴿٢١﴾

21وە گۆشتی ھەر باڵندەیەك کەحەزی لێ بکەن

وَحُورٌ عِينٞ﴿٢٢﴾

22وەحۆریانی چاو گەش وچاو بەڵەك

كَأَمۡثَٰلِ ٱللُّؤۡلُوِٕ ٱلۡمَكۡنُونِ﴿٢٣﴾

23وەك مرواری ناو سەدەف وان

جَزَآءَۢ بِمَا كَانُواْ يَعۡمَلُونَ﴿٢٤﴾

24(ئەم نیعمەتانە) لەپاداشتی ئەو کردەوانەدایە کە ئەنجامیان ئەدا

لَا يَسۡمَعُونَ فِيهَا لَغۡوٗا وَلَا تَأۡثِيمًا﴿٢٥﴾

25نایبیستن لەو بەھەشتانەدا نەقسەی بێھودە، وە نەتاوانبارکردن

إِلَّا قِيلٗا سَلَٰمٗا سَلَٰمٗا﴿٢٦﴾

26جگە لەووتەی سڵاو وسەلام کردن (لەیەکتری)

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ﴿٢٧﴾

27وە یارانی لای ڕاست کام یارانی لای ڕاست

فِي سِدۡرٖ مَّخۡضُودٖ﴿٢٨﴾

28لەژێر سێبەری دارتاوگی بێ دڕکدان

وَطَلۡحٖ مَّنضُودٖ﴿٢٩﴾

29وداری مۆزی ھۆنراو بەھێشووە مۆز

وَظِلّٖ مَّمۡدُودٖ﴿٣٠﴾

30و سێبەری بەردەوام

وَمَآءٖ مَّسۡكُوبٖ﴿٣١﴾

31وەئاوی تاڤگەیی وئاوی ڕەوان

وَفَٰكِهَةٖ كَثِيرَةٖ﴿٣٢﴾

32وەمیوەھاتی زۆر

لَّا مَقۡطُوعَةٖ وَلَا مَمۡنُوعَةٖ﴿٣٣﴾

33کە ھەرگیز تەواو نابێ وقەدەغەش ناکرێ

وَفُرُشٖ مَّرۡفُوعَةٍ﴿٣٤﴾

34ھەروەھا ڕاخەری بەرز وبڵندی تێدایە

إِنَّآ أَنشَأۡنَٰهُنَّ إِنشَآءٗ﴿٣٥﴾

35 ئێمە حۆریەکانی بەھەشتمان دروست کردووە بەدروست کردنێکی زۆر جوان

فَجَعَلۡنَٰهُنَّ أَبۡكَارًا﴿٣٦﴾

36وەگێڕاومانن بەحۆریانی ھەمیشە کچ (واتە : ھەرچەند ھاوسەرکانیان بچنە لایان خوای گەورە بۆیان دەکاتەوە بەکچ)

عُرُبًا أَتۡرَابٗا﴿٣٧﴾

37ھاوسەرەکانیان زۆر خۆش دەوێت وھاوتەمەنیانن

لِّأَصۡحَٰبِ ٱلۡيَمِينِ﴿٣٨﴾

38(ئەمانە ھەموو ) بۆ یارانی لای ڕاستن

ثُلَّةٞ مِّنَ ٱلۡأَوَّلِينَ﴿٣٩﴾

39کۆمەڵێکی زۆرن لە (گەلانی) پێشینان

وَثُلَّةٞ مِّنَ ٱلۡأٓخِرِينَ﴿٤٠﴾

40کۆمەڵێکی زۆریش لەپاشینان (لە ئوممەتی موحەممەد ﷺ)

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ﴿٤١﴾

41وە ھاوڕێیانی لای چەپ کام ھاوڕێیانی لای چەپ؟

فِي سَمُومٖ وَحَمِيمٖ﴿٤٢﴾

42لەناو گڕی دۆزەخ وئاوی لەکوڵدان

وَظِلّٖ مِّن يَحۡمُومٖ﴿٤٣﴾

43 وە لە سێبەری چڕە دووکەڵی ڕەشدان

لَّا بَارِدٖ وَلَا كَرِيمٍ﴿٤٤﴾

44نە فێنکە و نە کەڵکیشی ھەیە

إِنَّهُمۡ كَانُواْ قَبۡلَ ذَٰلِكَ مُتۡرَفِينَ﴿٤٥﴾

45چونکە بەڕاستی ئەمانە پێشتر خۆشـگوزەران بوون

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ﴿٤٦﴾

46وە بەردەوام بوون لەسەر گوناھە گەورەکە (ھاوەڵ دانان بۆ خوا)

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ﴿٤٧﴾

47وە دەیانووت: ئایا ئەگەر مردین وبووین بەخۆڵ وئێسکی ڕزیو ئایا ئێمە زیندوو ئەکرێینەوە

أَوَءَابَآؤُنَا ٱلۡأَوَّلُونَ﴿٤٨﴾

48یاخود باوو باپیرانمان (زیندوو ئەکرێنەوە)

قُلۡ إِنَّ ٱلۡأَوَّلِينَ وَٱلۡأٓخِرِينَ﴿٤٩﴾

49(ئەی موحەممەد ﷺ) بڵێ: بێگومان ھەموو پێشینان وپاشینان

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ﴿٥٠﴾

50کۆدەکرێنەوە وڕاپێچ دەکرێن بۆکاتی ڕۆژی دیاریكراو

ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ﴿٥١﴾

51پاشان ئێوە ئەی گومڕایانی بێ باوەڕان

لَأٓكِلُونَ مِن شَجَرٖ مِّن زَقُّومٖ﴿٥٢﴾

52بێگومان لە(بەری) درەختی ژەقنەمووت (دەخۆن)

فَمَالِـُٔونَ مِنۡهَا ٱلۡبُطُونَ﴿٥٣﴾

53جا وورگی خۆتانی لێ پڕدەکەن

فَشَٰرِبُونَ عَلَيۡهِ مِنَ ٱلۡحَمِيمِ﴿٥٤﴾

54ئەمجا ئاوی کوڵاوی بەسەردا دەخۆنەوە

فَشَٰرِبُونَ شُرۡبَ ٱلۡهِيمِ﴿٥٥﴾

55دەی خۆنەوە وەکو خواردنەوەی (حوشترانی) تینوو

هَٰذَا نُزُلُهُمۡ يَوۡمَ ٱلدِّينِ﴿٥٦﴾

56ئەمە میوانداری ئەوانە لە ڕۆژی قیامەتدا

نَحۡنُ خَلَقۡنَٰكُمۡ فَلَوۡلَا تُصَدِّقُونَ﴿٥٧﴾

57ئێمە دروستمان کردون ئەی بۆ بڕوا ناکەن (بەزیندوو بوونەوە)

أَفَرَءَيۡتُم مَّا تُمۡنُونَ﴿٥٨﴾

58جا پێم بڵێن ئەو ئاوەی کە دەیڕێژنە ناو منداڵدانەوە؟

ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ﴿٥٩﴾

59ئایا ئێوە دروستی دەکەن؟ یان ئێمەین بەدی ھێنەرینی؟

نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ﴿٦٠﴾

60 ئێمە لەناوتاندا مردنمان‎ داناوە، وەکەس پێش دەسەڵاتی ئێمە ناکەوێ

عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ﴿٦١﴾

61(بەدەسەڵاتین) کە لەجیاتی ئێوە نەوەی تر بھێنین وە دروستتان بکەینەوە بەشێوەیەك کەھیچی لێ نازانن

وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ﴿٦٢﴾

62سوێند بەخوا بێگومان ئێوە لەبەدیهێنانی یەکەمی ئاگادارن ئیتر بۆ بیرناکەنەوە

أَفَرَءَيۡتُم مَّا تَحۡرُثُونَ﴿٦٣﴾

63جا پێم بڵێن ئەو تۆوەی کەدەیچێنن

ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ﴿٦٤﴾

64ئایا ئێوە دەیڕوێنن؟ یائێمەین دەیڕوێنین؟

لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ﴿٦٥﴾

65ئەگەر بمان ویستایە ئەو (ڕواوە)مان دەگێڕا بە پووش و کا، ئەمجا دەستان دەکرد بەقسەی بێ کەڵك

إِنَّا لَمُغۡرَمُونَ﴿٦٦﴾

66(دەتانـووت) بەڕاستی زەرەرلێکەوتوو ئێمەین

بَلۡ نَحۡنُ مَحۡرُومُونَ﴿٦٧﴾

67بەڵکو ئێمە لە ڕزق وڕۆزی بێ بەشین

أَفَرَءَيۡتُمُ ٱلۡمَآءَ ٱلَّذِي تَشۡرَبُونَ﴿٦٨﴾

68جا پێم بڵێن ئەو ئاوەی کەدەیخۆنەوە

ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ﴿٦٩﴾

69ئایا ئێوە لە ھەورەکانەوە دەیبارێنن یا ئێمە دەیبارێنین

لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ﴿٧٠﴾

70 ئەگەر بمان ویستایە دەمانکرد بەئاوێکی زۆر سوێری تاڵ، ئیتر بۆ سوپاسی خوا ناکەن

أَفَرَءَيۡتُمُ ٱلنَّارَ ٱلَّتِي تُورُونَ﴿٧١﴾

71پێم بڵێن ئەو ئاگرەی کە دایدەگیرسێنن

ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ﴿٧٢﴾

72ئایا ئێوە دارەکەیتان بەدیهێناوە؟ یائێمە بەدیهێنەرینی؟

نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ﴿٧٣﴾

73ئێمە ئەو (ئاگرە)مان کردووە بەھۆی یادخەرەوە(ی ئاگری دۆزەخ) وە (کردومانەتە) ھۆی کەڵک لێ وەرگرتن بۆ گەشتیاران

فَسَبِّحۡ بِٱسۡمِ رَبِّكَ ٱلۡعَظِيمِ﴿٧٤﴾

74جا کەواتە یاد وتەسبیحاتی پەروەردگاری گەورەی خۆت بەپاکی بکە

۞ فَلَآ أُقۡسِمُ بِمَوَٰقِعِ ٱلنُّجُومِ﴿٧٥﴾

75جا سوێند بێت بەشوێنی (ھەڵھاتن وئاوابوونی) ئەستێرەکان

وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ﴿٧٦﴾

76بەڕاستی ئەم سوێندە ئەگەر بزانن سوێندێکی زۆر گەورەیە

إِنَّهُۥ لَقُرۡءَانٞ كَرِيمٞ﴿٧٧﴾

77کە بێگومان ئەمە قورئانێکی گەورە وبەڕێزە

فِي كِتَٰبٖ مَّكۡنُونٖ﴿٧٨﴾

78لەناو کتێبێکی شاراوەدایە (کەلوح المحفوظه)

لَّا يَمَسُّهُۥٓ إِلَّا ٱلۡمُطَهَّرُونَ﴿٧٩﴾

79جگە لە (فریشتە) پاکەکان کەس دەستی لێ نادات

تَنزِيلٞ مِّن رَّبِّ ٱلۡعَٰلَمِينَ﴿٨٠﴾

80نێردراوەتە خوارەوە لە لایەن پەروەردگاری جیھانیانەوە

أَفَبِهَٰذَا ٱلۡحَدِيثِ أَنتُم مُّدۡهِنُونَ﴿٨١﴾

81 دەی ئایا ئێوە بەم قورئانە باوەڕ ناکەن

وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ﴿٨٢﴾

82وە لەجیاتی سوپاسگوزاری لەسەر ڕۆزیتان ئێوە باوەڕ ناھێنن

فَلَوۡلَآ إِذَا بَلَغَتِ ٱلۡحُلۡقُومَ﴿٨٣﴾

83دەی بۆچی کاتێك گیانی (نەخۆشەکەتان) دەگاتە گەرووی

وَأَنتُمۡ حِينَئِذٖ تَنظُرُونَ﴿٨٤﴾

84وە ئێوە لەو کاتەدا تەماشا دەکەن

وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ﴿٨٥﴾

85لەوکاتەدا (فریشتەکانمان) لە ئێوە نزیکترن لەو (کەسەی لەسەرە مەرگدایە) بەڵام ئێوە (فریشتەکانی) ئێمە نابینن

فَلَوۡلَآ إِن كُنتُمۡ غَيۡرَ مَدِينِينَ﴿٨٦﴾

86ئەگەر ئێوە (زیندوو ناکرێنەوەو)پاداشت نادرێنەوە؟

تَرۡجِعُونَهَآ إِن كُنتُمۡ صَٰدِقِينَ﴿٨٧﴾

87ڕۆحی (مردوەکەتان) بگێڕنەوە ئەگەر ڕاست دەکەن

فَأَمَّآ إِن كَانَ مِنَ ٱلۡمُقَرَّبِينَ﴿٨٨﴾

88ئەمجا ئەگەر ئەو (کەسەی لە گیانە ڵادایە) لەنزیکان بێ(لەخوا)

فَرَوۡحٞ وَرَيۡحَانٞ وَجَنَّتُ نَعِيمٖ﴿٨٩﴾

89ئەوە حەسانەوە وبۆنی خۆش وبەھەشتی پڕ لەناز ونیعمەتی بۆ ھەیە

وَأَمَّآ إِن كَانَ مِنۡ أَصۡحَٰبِ ٱلۡيَمِينِ﴿٩٠﴾

90وە ئەگەر لەھاوەڵانی دەستی ڕاست بێت

فَسَلَٰمٞ لَّكَ مِنۡ أَصۡحَٰبِ ٱلۡيَمِينِ﴿٩١﴾

91ئەوە سەلامەتی و بێ زیانی بۆ تۆ (چونکە) تۆ لەیارانی دەستی ڕاستی

وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ﴿٩٢﴾

92بەڵام ئەگەر لە بێ باوەڕانی گومڕا بێت

فَنُزُلٞ مِّنۡ حَمِيمٖ﴿٩٣﴾

93 ئەوە(شوێنی) میوانداریەکەی ئێجگار گەرمە

وَتَصۡلِيَةُ جَحِيمٍ﴿٩٤﴾

94وەچوونە ناو دۆزەخە

إِنَّ هَٰذَا لَهُوَ حَقُّ ٱلۡيَقِينِ﴿٩٥﴾

95بەڕاستی ئەوەی (کـە لەم سورەتەدا باسکرا) حەق وبێـگومانە

فَسَبِّحۡ بِٱسۡمِ رَبِّكَ ٱلۡعَظِيمِ﴿٩٦﴾

96جا کەواتە یاد وتەسبیحاتی پەروەردگاری گەورەی خۆت بەپاکی بکە

← Ar-RahmanAl-Hadid→

RELATED SURAHS

7

Al-A'raf

The Heights

22

Al-Hajj

The Pilgrimage

39

Az-Zumar

The Groups

1

Al-Fatiha

The Opening

Browse all 114 surahs