Ash-Shu'ara

¹T. S̃. M̃.

²Waɗancan ãyõyin Littãfi ne bayyananne.

³Tsammãninka kai mai zaka halakar da ranka ne, dõn ba su zamanto mũminai ba! [1]

⁴Idan Mun so zã Mu saukar, a kansu, da wata ãyã daga sama, sai wuyõyinsu su yini sabõda ita sunã mãsu ƙasƙantar da kai.

⁵Kuma wata tunãtarwa ba ta jẽ musu ba, daga Mai rahama, sãbuwa, fãce sun kasance daga barinta sunã mãsu bijirẽwa.

⁶To, lalle ne, sun ƙaryata, to, lãbãran abin da suka kasance sunã yi na izgili da shi zã ya je musu.

⁷Shin, ba su dũba ba zuwa ga ƙasa, da yawa Muka tsirar a cikinta, daga dukan nau'i mai kyau?

⁸Lalle ne, a cikin wancan akwai ãyã, kuma mafi yawansu ba su kasance mũminai ba.

⁹Kuma lalle ne, Ubangijinka, haƙĩƙa, Shĩ ne Mabuwãyi, Mai rahama.

¹⁰Kuma a lõkacin da Ubangijinka Ya kirãyi Mũsã, "Ka je wa mutãnen nan azzãlumai.

¹¹"Mutãnen Fir'auna bã zã su yi taƙawa ba?"

¹²Ya ce: "Ya Ubangijĩna, nĩ inã tsõron su ƙaryata ni.

¹³"Kuma ƙirjĩna ya yi ƙunci[1] kuma harshẽna bã zai saku ba sabõda haka ka aika zuwa ga Harũna.

¹⁴"Kuma sunã da wani laifi a kaina, sabõda haka inã tsõron kada su kashe ni."

¹⁵Ya ce: "Kayya! Ku tafi, kũ biyu, da ÃyõyinMu. Lalle ne, Munã tãre da ku Munã Mãsu saurãre."

¹⁶"Sai ku je wa Fir'auna, sa'an nan ku ce, Lalle ne, mu, Manzannin Ubangijin halitta ne."

¹⁷"Ka saki Banĩ Isrã'ila tãre da mu."

¹⁸Ya ce: "Shin, ba mu yi rẽnonka ba a cikinmu kanã jãrĩri, kuma ka zauna a cikinmu shẽkarudaga lõkacin rãyuwarka?"

¹⁹"Kuma ka aikata aikinka wanda ka aikata alhãli kai kanã daga butulai?"

²⁰Ya ce: "Na aikata shi a lõkacin inã daga mãsu jãhilcin fushi."

²¹"Sabõda haka na gudu daga gãre ku a lõkacin da na ji tsõronku, sai Ubangijĩna Ya bã ni hukunci, kuma Ya sanya ni daga Manzanni."

²²"Kuma waccan ni'ima ce, kanã gõrint a kaina, dõmin kã bautar da Banĩ Isrã'ĩla."

²³Fir'auna ya ce: "Kuma mene ne Ubangijin halittu?"

²⁴Ya ce: "Ubangijin sammai da ƙasa da abin da yake a tsakãninsu, idan kun kasance mãsu ƙarfin ĩmãni."

²⁵Ya ce wa waɗanda suke a gẽfensa, "Bã za ku saurãra ba?"

²⁶Ya ce: "Ubangijinku, kuma Ubangijin ubanninku na farko."

²⁷Ya ce: "Lalle ne Manzonku, wanda aka aiko zuwa gare ku, haƙi ƙa, mahaukaci ne."

²⁸Ya ce: "Ubangijin mafitar rãnã da maɓũyarta da abin dayake a tsakaninsu, idan kun kasance kunã hankalta."

²⁹Ya ce: "Lalle ne idan ka riƙi wani abin bautãwa wanĩna haƙĩƙa, inã sanyã ka daga ɗaurarru."

³⁰Ya ce: "Ashe, kuma kõ dã nã zõ maka da wani, abu mai bayyanãwa?"

³¹Ya ce: "To, ka zõ da shi idan ka kasance daga, mãsu gaskiya."

³²Sai ya jẽfa sandarsa, sai ga ta kumurci bayyananne.

³³Kuma ya fizge hannunsa, sai ga shi fari ga mãsu kallo.

³⁴(Fir'auna) ya ce ga mashãwarta a gẽfensa, "Lalle ne, wannan haƙĩƙa, masihirci ne, mai ilmi!

³⁵"Yanã son ya fitar da ku daga ƙasarku game da sihirinSa. To mẽne ne kuke shãwartãwa?"

³⁶Suka ce: "Ka jinkirtar da shi, shĩ da ɗan'uwansa, kuma ka aika mãsu gayya a cikin birãne."

³⁷"Zã su zõ maka da dukkan mai yawan sihiri masani."

³⁸Sai aka tãra masihirta dõmin ajalin yini sananne.

³⁹Kuma aka ce wa mutãne "Kõ kũ mãsu tãruwã ne?

⁴⁰"Tsammãninmu mu bi masihirta, idan sun kasance sũ ne marinjãya."

⁴¹To, a lõkacin da masihirta suka jẽ suka ce wa Fir'auna,"Shin, lalle ne, haƙĩƙa munã da ijãra idan mun kasance mũ ne marinjãya?"

⁴²Ya ce: "Na'am! Kuma lalle ne, kũ ne a lõkacin haƙĩƙa muƙarrabai."

⁴³Mũsã ya ce musu, "Ku jẽfa abin da kuke mãsu jẽfãwa."

⁴⁴Sai suka jẽfa igiyõyinsu, da sandunansu, kuma suka ce: "Da ƙarfin Fir'auna lalle ne mũ, haƙĩƙa, mũ ne marinjãya."

⁴⁵Sai Mũsa ya jẽfa sandarsa, sai ga ta tanã harhaɗe abin da suke yi na ƙarya.

⁴⁶Sai aka jẽfar da masihirta sunã mãsu sujada.

⁴⁷Suka ce: "Mun yi ĩmãni da Ubangijin halitta."

⁴⁸"Ubangijin Mũsa da Hãrũna."

⁴⁹Ya ce: "Ashe, kun yi ĩmãni sabõda shĩ, a gabãnin in yi muku izni? Lalle ne shi, haƙĩƙa babbanku ne wanda ya kõya muku sihirin, to, zã ku sani. Lalle ne haƙĩƙa, zan kakkãtse hannuwanku da kafãfunku a tarnaƙi, kuma haƙĩƙa, zan tsĩrẽ ku gabã ɗaya."

⁵⁰Suka ce: "Bãbu wata cũta! Lalle ne mũ mãsu jũyãwa ne zuwa ga Ubangijinmu."

⁵¹"Lalle ne mu munã kwaɗayin Ubangijinmu, Ya gãfarta mana kurakuranmu dõmin mun kasance farkon mãsu ĩmãni."

⁵²Kuma Muka aika zuwa ga Mũsã cẽwa ka yi tafiyar dare da bãyiNa, lalle ne kũ waɗanda ake biyã[1] ne.

⁵³Sai Fir'auna ya aika mãsu gayya a cikin birãne.

⁵⁴"Lalle ne, waɗannan, haƙĩƙa, ƙungiya ce kaɗan."

⁵⁵"Kuma lalle ne sũ, a gare Mu, Mãsu fusãtarwa ne."

⁵⁶"Kuma lalle ne mũ haƙĩƙa gabã ɗaya mãsu sauna ne."

⁵⁷Sai Muka fitar da su daga gonaki da marẽmari.

⁵⁸Da taskõki da mazauni mai kyau.

⁵⁹Kamar haka! Kuma Muka gãdar da su ga Banĩ Isrãĩla.

⁶⁰Sai suka bĩ su sunã mãsu fita a lõkacin hũdõwar rãnã.

⁶¹Sa'an nan a lõkacin da jama'a biyu suka ga jũna, sai abõkan Mũsã suka ce: "Lalle ne mũ haƙĩ ƙa, waɗanda ake riska ne."

⁶²Ya ce: "Kayya! Lalle ne Ubangijina Yanã tare da ni, zai shiryar da ni."

⁶³Sai Muka yi wahayi zuwa ga Mũsã cẽwa "Ka dõki tẽku da sandarka." Sai tẽku ta tsãge,[1] kõwane tsãgi ya kasance kamar falalen dũtse mai girma.

⁶⁴Kuma Muka kusantar da waɗansu mutãne a can.

⁶⁵Kuma Muka tsĩrar da Mũsã da waɗanda suke tãre da shi gabã ɗaya.

⁶⁶Sa'an nan kuma Muka nutsar da waɗansu mutãnen.

⁶⁷Lalle ne a cikin wannan akwai ãyã, kuma mafi yawansu ba su kasance mãsu ĩmãni ba.

⁶⁸Kuma lalle ne Ubangijinka, kaƙĩƙa, Shĩ ne Mabũwayi, Mai jin ƙai.

⁶⁹Kuma ka karanta, a kansu, lãbãrin Ibrãhĩm.

⁷⁰A sã'ilin da ya ce wa ubansa da mutãnensa, "Mẽne ne kuke bauta wa?"

⁷¹Suka ce: "Munã bauta wa gumãka, sabõda haka munã yini mãsu lazimta a gare su."

⁷²Ya ce: "Shin, sunã jin ku, a lõkacin da kuke kira?"

⁷³"Kõ kuwa sunã amfãnin ku, kõ sunã cũtar ku?"

⁷⁴Suka ce: "Ã'a mun sãmĩ ubanninmu, kamar haka ne suke aikatãwa."

⁷⁵Ya ce: "Shin to, kun ga abin da kuka kasance kunã bautã wa?"

⁷⁶"Kũ da ubanninku mafi daɗẽwa?"

⁷⁷"To lalle ne, sũ maƙiya ne a gare ni, fãce Ubangijin halittu."

⁷⁸"Wanda Ya halitta ni, sa'an nan Yanã shiryar da ni."

⁷⁹"Kuma Wanda Yake Shĩ ne Yake ciyar da ni, kuma Yanã shãyar da ni."

⁸⁰"Kuma idan na yi jiyya, to, Shĩ ne Yake warkar da ni."

⁸¹"Kuma wanda Yake matar da ni, sa'an nan Ya rãyar da ni."

⁸²"Kuma wanda Yake inã kwaɗayin Ya gãfarta mini kurãkuraina, a rãnar sãkamako."

⁸³"Ya Ubangijĩna! Ka ba ni hukunci, kuma Ka riskar da ni ga sãlihai."

⁸⁴"Kuma Ka sanya mini harshen gaskiya[1] a cikin mutãnen ƙarshe."

⁸⁵"Kuma Ka sanya ni daga magãdan Aljannar ni'ima."

⁸⁶"Kuma Ka gãfarta wa ubãna, lalle ne shi, ya kasance daga ɓatattu."

⁸⁷"Kuma kada Ka kunyata ni a rãnar da ake tãyar da su."

⁸⁸"A rãnar da dũkiya bã ta amfãni, kuma ɗiya bã su yi."

⁸⁹"Fãce wanda ya jẽ wa Allah da zũciya mai tsarki."

⁹⁰Kuma aka kusantar da Aljanna ga mãsu taƙawa.

⁹¹Kuma aka fitar da wutã babba dõmin halakakku.

⁹²Kuma aka ce musu, "Inã abin da kuka kasance kunã bautawa?"

⁹³"Baicin Allah? Shin sunã tamakon ku kõ kuwa sunã tsare kansu?"

⁹⁴Sai aka kikkife su[1] a cikinta, su da halakakkun.

⁹⁵Da rundunar Ibilĩsa gabã ɗaya.

⁹⁶Suka ce: alhãli sunã a cikinta sunã yin husũma,

⁹⁷"Rantsuwa da Allah! Lalle ne mun kasance, haƙĩƙa, a cikin ɓata bayyananna."

⁹⁸"A lõkacin da muke daidaita ku da Ubangijin halittu.

⁹⁹"Kuma bãbu abin da ya ɓatar da mu fãce mãsu laifi."

¹⁰⁰"Sabõda haka bã mu da waɗansu macẽta."

¹⁰¹"Kuma bã mu da abõki, masõyi."

¹⁰²"Sabõda haka dã lalle munã da (dãmar) kõmawa, dõmin mu kasance daga mũminai!"

¹⁰³Lalle ne, a cikin wancan akwai ãyã, kuma mafi yawansu, bã su kasance mũminai ba.

¹⁰⁴Kuma lalle ne, Ubangijinka, Shi ne Mabuwãyi, Mai jin ƙai.

¹⁰⁵Mutãnen Nũhu sun ƙaryata Manzanni.

¹⁰⁶A lõkacin da Dan uwansu Nuhu ya ce musu, "Bã zã ku ji tsoron Allah ba?"

¹⁰⁷"Lalle ne, zuwa gare ku, ni Manzo ne amintacce."

¹⁰⁸"To, ku bi Allah da taƙawa, kuma ku yi mini ɗã'ã."

¹⁰⁹"Kuma bã ni tambayar ku wata ijãra a kansa. Ijãrãtã ba ta zama ba fãce daga Ubangijin halittu."

¹¹⁰"Sabõda haka, ku bi Allah da taƙawa, kuma ku yi mini ɗã'ã."

¹¹¹Suka ce: "Ashe, zã mu yi ĩmãni sabõda kai alhãli kuwa mafiya ƙasƙanci sun bi ka?"

¹¹²Ya ce: "Kuma bã ni da sani ga abin da suka kasance sanã aikatãwa."

¹¹³"Hisãbinsu bai zama ba fãce ga Ubangijina, dã kunã sansancẽwa."

¹¹⁴"Ban zama mai kõre mũminai ba."

¹¹⁵"Nĩ ba kõwa ba ne sai mai gargaɗi mai bayyanãwa."

¹¹⁶Suka ce: "Lalle ne, idan ba ka hanu ba, yã Nũhu, (daga maganarka,) haƙĩƙa, kanã kasancẽwa daga waɗanda ake jẽfewa"

¹¹⁷Ya ce: "Yã Ubangijĩna! Lalle ne mutãnena sun ƙaryatã ni."

¹¹⁸"Sai ka yi hukunci, a tsakãnĩna da tsakãninsu tabbataccen hukanci, kuma ka tsĩrar da ni, da waɗanda suke tãre da ni daga mũminai."

¹¹⁹Sai Muka tsĩrar da shi, shi da waɗanda suke tãre da shi, a cikin jirgi wanda aka yi wa lõdi.

¹²⁰Sa'an nan Muka nutsar a bãyan haka, da sauran.

¹²¹Lalle ne a cikin wannan akwai ãyã, kuma mafi yawansu, ba su kasance mãsu ĩmãni ba.

¹²²Kuma Lalle ne, Ubangijinka, haƙĩƙa, Shĩ ne Mabuwãyi, Mai Rahama.

¹²³Ãdãwa sun ƙaryata Manzanni.

¹²⁴A lõkacin da ɗan'uwansu, Hũdu ya ce musu, "Bã zã ku yi taƙawa ba?"

¹²⁵"Lalle ne ni, zuwa gare ku, haƙĩƙa, Manzo ne, amintacce."

¹²⁶"Sabõda haka ku bi Allah da taƙawa, kuma ku yi mini ɗã'ã."

¹²⁷"Kuma bã ni tambayar wata ijãra a kansa. Ijãrãta ba ta zama ba, fãce daga Ubangijin halittu."

¹²⁸"Shin, kunã yin ginin sitadiyo[1] a kõwane tsauni ne, kunã yin wãsa?"

¹²⁹"Kuma kunã riƙon matsãrar ruwa, tsammãninku, ku dawwama?[1]"

¹³⁰"Kuma idan kun yi damƙa, sai ku yi damƙar kunã mãsu tanƙwasãwa."

¹³¹"To ku bi Allah da taƙawa, kuma ku yi mini ɗã'ã."

¹³²"Ku ji tsõron wanda Ya taimake ku da abin da kuka sani."

¹³³"Ya taimake ku da dabbõbin ni'ima da ɗiya."

¹³⁴"Da gõnaki da marẽmari."

¹³⁵"Lalle ne nĩ, inã ji muku tsõron azãbar wani yini mai girma."

¹³⁶Suka ce: "Daidai ne a kanmu: Kã yi wa'azi kõ ba ka kasance daga mãsu wa'azi ba."

¹³⁷"Wannan abu bai zamõ ba fãce hãlãyen[1] mutãnen farko."

¹³⁸"Kuma mũ ba mu zama waɗanda ake yi wa azãba ba."

¹³⁹Sabõda haka suka ƙaryata shi, sai Muka halakar da sũ. Lalle ne a cikin wannan akwai ãyã, kuma mafi yawansu ba su kasance mãsu ĩmãni ba.

¹⁴⁰Kuma lalle ne, Ubangijinka, haƙĩƙa, Shi ne Mabuwãyi, Mai jin ƙai.

¹⁴¹Samũdãwa sun ƙaryata Manzanni.

¹⁴²A lõkacin da ɗan'uwansu Sãlihu ya ce: "Shin, bã zã ku bi Allah da taƙawa ba?"

¹⁴³"Lalle ne nĩ zuwã gare ku, Manzo ne, amintacce."

¹⁴⁴"Sabõda haka ku bi Allah da taƙawa, kuma ku yi mini ɗã'ã.

¹⁴⁵"Kuma bã ni tambayar ku wata ijãra a kansa. Ijãrãta ba ta zama ba fãce da a Ubangijin halittu."

¹⁴⁶"Shin, anã barin ku[1] a cikin abin da yake a nan, kunã amintattu?"

¹⁴⁷"A cikin gõnaki da marẽmari."

¹⁴⁸"Da shuke-shuke da dabĩ nai, 'ya'yan itãcensu hirtsi[1] mãsu narkẽwa a ciki?"

¹⁴⁹"Kuma kunã sassaƙa gidãje daga duwãtsu, kunã mãsu alfãhari?"

¹⁵⁰"Sabõda haka ku bi Allah da taƙawa, kuma ku yi mini ɗã'ã."

¹⁵¹"Kada ku yi ɗã'ã ga umurnin maɓarnata."

¹⁵²"Waɗanda suke yin ɓarna a cikin ƙasa, kuma bã su kyautatãwa."

¹⁵³Suka ce: "Kai daga mãsu sihiri kurum kake."

¹⁵⁴"Bã kõwa kake ba, fãce mutum kamarmu. To, kã zo da wata ãyã idan kã kasance daga mãsu gaskiya."

¹⁵⁵Ya ce: "Wannan rãkuma ce tanã da shan[1] yini, kuma kunã da shan yini sasanne."

¹⁵⁶"Kada ku shãfe ta da cũta har azãbar yini mai girmã ta shãfe ku."

¹⁵⁷Sai suka sõke ta sa'an nan suka wãyi gari sunã mãsu nadãma.

¹⁵⁸Sabõda haka azãba ta kãma su. Lalle ne a cikin wannan akwai ãyã, kuma mafi yawansu, ba su kasance mãsu ĩmãni ba.

¹⁵⁹Lalle ne Ubangijinka, haƙĩ ƙa, Shĩ ne Mabuwayi, Mai jin ƙai.

¹⁶⁰Mutãnen Lũɗu sun ƙaryata Manzanni.

¹⁶¹A lõkacin da ɗan'uwansu,[1] Lũɗu ya ce musu, "Bã zã ku yi taƙawa ba?"

¹⁶²"Lalle ne nĩ, zuwa gare ku, Manzõ ne, amintacce."

¹⁶³"Sabõda haka ku bi Allah da taƙawa, kuma ku yi mini ɗã'ã."

¹⁶⁴"Kuma bã ni tambayar ku wata ijãra, Ijãrãta ba ta zama ba fãce daga Ubangijin halittu."

¹⁶⁵"Shin kunã jẽ wa maza daga cikin talikai?"

¹⁶⁶"Kuma kunã barin abin da Ubangijinku Ya halitta muku daga mãtanku? Ã'a, ku mutãne ne mãsu ƙẽtarẽwa!"

¹⁶⁷Suka ce: "Lalle ne haƙĩƙa idan ba ka hanu ba, yã Lũɗu! Tĩlas ne kanã kasancẽwa daga waɗanda ake fitarwa (daga gari)."

¹⁶⁸Ya ce: "Lalle ne ga aikinku, haƙĩƙa, inã daga mãsu ƙinsa."

¹⁶⁹"Ya Ubangijina! Ka tsĩrar da ni da iyãlĩna daga abin da suke aikatãwa."

¹⁷⁰Sabõda haka Muka tsĩrar da shi, Shi da mutãnensa gabã ɗaya.

¹⁷¹Fãce wata tsõhuwa a cikin mãsu wanzuwa.

¹⁷²Sa'an nan kuma Muka hallaka wasu.

¹⁷³Kuma Muka yi ruwan sama a kansu ruwa, sai dai ruwan waɗanda ake yi wa gargaɗi ya mũnana.

¹⁷⁴Lalle ne ga wannan, akwai ãyã, kuma mafi yawansu bã su kasance mãsu ĩmãni ba.

¹⁷⁵Kuma lalle ne Ubangijinka, haƙĩƙa, Shĩ ne Mabuwãyi, Mai jin ƙai.

¹⁷⁶Ma'abũta ƙunci sun ƙaryata Manzanni.

¹⁷⁷A lõkacin da Shu'aibu ya ce musu, "Bã zã ku yi taƙawa ba?"

¹⁷⁸"Lalle ne ni, zuwa gare ku, Manzo ne, amintacce."

¹⁷⁹"Sabõda haka ku bi Allah da taƙawa kuma ku yi mini ɗã'ã."

¹⁸⁰"Kuma ba ni tambayar ku wata ijãra a kansa. Ijãrata ba ta zama ba fãce daga Ubangijin halittu."

¹⁸¹"Ku cika mũdu, kuma kada ku kasance daga mãsu sanyãwar hasãra (ga mutãne)."

¹⁸²"Kuma ku yi awo da sikẽli daidaitacce."

¹⁸³"Kuma kada ku nakasa wa mutãne abũbuwansu kuma kada ku yi fasãdi a cikin ƙasa kuna mãsu ɓarna."

¹⁸⁴"Kuma ku ji tsõron Allah wanda Ya halitta ku, kũ da jama'ar farko."

¹⁸⁵Suka ce: "Kai dai daga waɗanda suke sihirtattu kawai ne."

¹⁸⁶"Kuma bã kõwa kake ba, fãce mutum kamarmu kuma lalle ne munã zaton ka, haƙĩƙa, daga maƙaryata."

¹⁸⁷"To ka jẽfo wani ɓaɓɓake daga sama a kanmu, idan ka kasance daga mãsu gaskiya."

¹⁸⁸Ya ce: "Ubangijĩna ne Mafi sani ga abin da kuke aikatãwa."

¹⁸⁹Sai suka ƙaiyatã shi, sabõda haka, azãbar rãnar girgije[1] ta kãma su. Lalle ne ita, tã kasance azãbar yini mai girma.

¹⁹⁰Lalle a cikin wancan haƙĩka akwai ãya, amma mafi yawansu ba su kasance mãsu ĩmãni ba.

¹⁹¹Kuma lalle Ubangijĩnka, haƙĩƙa, Shĩ ne Mabuwãyi, Mai jin ƙai.

¹⁹²Kuma lalle shi (Alƙur'ãni), haƙĩƙa, saukarwar Ubangijinhalittu ne.

¹⁹³Rũhi[1] amintacce ne ya sauka da shi.

¹⁹⁴A kan zũciyarka, dõmin ka kasance daga mãsu gargaɗi.

¹⁹⁵Da harshe na Larabci mai bayãni.

¹⁹⁶Kuma lalle shin, haƙĩƙa, yanã a cikin litattafan (Manzannin) farko.

¹⁹⁷Ashe, bai kasance ãyã ba a gare su, ya zama Mãlaman Banĩ Isrã'ĩla sun san shi?

¹⁹⁸Kuma dã mun saukar da shi a kan sãshen Ajamãwa,

¹⁹⁹Ya karanta shi a kansu, ba su kasance sabõda shi mãsu ĩmãni ba.

²⁰⁰Kamar wancan ne! Muka shigar da shi a cikin zukãtan mãsu laifi.

²⁰¹Bã zã su yi ĩmãni da shĩ ba sai sun ga azãbar nan mai raɗadi.

²⁰²Sai ta taho musu kwatsam, alhãli kuwa sũ, ba su sansance ba.

²⁰³Sai su ce: "Shin, mu waɗanda ake yi wa jinkiri ne?"

²⁰⁴Ashe, to, da azãbar Mu suke nẽman gaggãwa?

²⁰⁵Ashe, to, kã gani, idan Muka jĩshe su daɗi a shẽkaru,

²⁰⁶Sa'an nan abin da suka kasance anã yi musu wa'adi (da shi) ya jẽ musu,

²⁰⁷Abin da suka kasance anã jĩshe su dãɗin bã zai tunkuɗe azãba ba daga gare[1] su.

²⁰⁸Kuma bã Mu halakar da wata alƙarya ba fãce tanã da mãsu gargaɗi.

²⁰⁹Dõmin tunãtarwa, kuma ba Mu kasance Mãsu zãlunci ba.

²¹⁰Kuma (Alƙur'ãni) Shaiɗãnu ba su ɗõra sauka da shĩba.

²¹¹Kuma bã ya kamãta a gare su (su Shaiɗãnu su sauka da shi), kuma ba su iyãwa.

²¹²Lalle ne sũ, daga saurãre, haƙĩƙa, waɗanda aka nĩsantar ne.

²¹³Sabõda haka, kada ka kira wani abin bautãwa na dabam tãre da Allah, sai ka kasance daga waɗanda ake yi wa azãba.

²¹⁴Kuma ka yi gargaɗi ga danginka mafiya kusanci.

²¹⁵Kuma ka sassauta fikãfikanka[1] ga wanda ya bĩ ka daga mũminai.

²¹⁶Sa'an nan idan suka sãɓã maka to ka ce: "Lalle nĩ, barrantacce ne daga abin da kuko aikatãwa."

²¹⁷Kuma ka dõgara ga Mabuwãyi, Mai jin ƙai.

²¹⁸Wanda Yake ganin ka a lõkacin da kake tãshi tsaye.

²¹⁹Da jujjuyãwarka a cikin mãsu yin sujada.

²²⁰Lalle Shi, Shi[1] ne Mai ji, Masani.

²²¹Shin, (kunã so) in gaya[1] muku a kan wanda Shaiɗãnnu kan sauka?

²²²Sukan sauka a kan dukkan maƙaryaci, mai zunubi.

²²³Sunã jẽfa (abin da suka) ji, alhãli kuwa mafi yawansu maƙaryata ne.

²²⁴Kuma mawãƙa[1] halakakku ne ke bin su.

²²⁵Shin, ba ku cẽwa, lalle ne sũ, cikin kõwane rango sunã yin ɗimuwa (su ƙẽtare haddi) ba?

²²⁶Kuma lalle ne, sũ, sunã faɗin abin da bã su aikatãwa?

²²⁷Fãce waɗanda suka yi ĩmãni suka aikata ayyukan ƙwarai, kuma suka ambaci Allah da yawa, kuma suka rãma zãlunci, daga bãyan an zãlunce su. Kuma waɗanda suka yi zãlunci, zã su sani a wace majũya suke jũyãwa.