Al-'Adiyat

¹Ako (Dios) nanumpa sa mga (kabayo nga) tigdagan uban sa paghangos (nagdala sa mga manggugubat),

²Ug pinaagi niadtong nagpatunghag tuasik sa kalayo pinaagi sa ilang mga kuko (sa dihang nagasikad sa pagdagan),

³Ug pinaagi niadtong nagabuhat ug mga pagsulong sa kaadlawon,

⁴Nga nakapa-ukay sa (sama sa panganod [baga] nga) abog,

⁵Nga nagasulod isip usa ka lawas ngadto sa kasingkasing sa mga linya sa kaaway.

⁶Sa pagkatinuod ang tawo (ang manlilimod) dili mapasalamaton sa iyang Ginoo (Allāh).

⁷Ug sa pagkatinuod siya saksi man niini.

⁸Ug tungod sa iyang hilabihan nga gugma sa bahandi, siya kuripot niini.

⁹Apan wala ba siya masayod nga kon magkatag na ang sulod sa mga lubnganan ug gihaw-as,

¹⁰Ug unsay anaa sa mga dughan iga butyag man.

¹¹Sa pagkatinuod ang ilang Ginoo (Allah), nianang Adlawa, Labing naka-ila kanila.