Al-Bayyinah

¹1. Da ko butad o siran a da Pamaratiyaya a pud ko Tiyoronan ko Kitab, a go so manga Panana­koto o ba siran miyamagukar ta­man sa kiyapakatalingoma kiran o marayag a karina:

²2. Sogo a pho-on ko Allah, a Makapuphangadi ko manga Kitab a manga Soti:

³3. Khisosoratan noto sa (Koko­man a) ontol.

⁴4. Na da makashusunggaya so siran a piyamugan ko Kitab inonta ko oriyan o Kiyapakatalingoma kir­an o marayag a karina.

⁵5. A da-a ini Sogo kiran a rowar sa Kapushowasowata iran ko Allah, a Totolabosun niran non, so okit ko Kapaginutao, a Shasalimbotawan siran, a go so Kipamayandugun nir­an ko Sambayang, go so katonaya iran ko Zakat: Giyoto man i okit a ontol

⁶6. Mata-an! A so siran a da Pamaratiyaya a pud ko Tiyoronan ko Kitab, a go so manga Panana­koto, na si-i ko Apoi ko Naraka Jahannam makakakal siran non. Siran man i miyakaratarata ko manga Ka-adun.

⁷7. Mata-an! A so siran a Miya­maratiyaya, go pinggalubuk iran so manga pipiya, na siran man na siran i miyakapiyapiya ko manga Ka­adun.

⁸8. Adun a balas kiran si-i ko Kadnan niran a manga Sorga a tatap, a puphamangondas ko kaba­ba-an niyan so manga lawasaig, makakakal siran non, sa dayon sa dayon. Miyasowat kiran so Allah na Khasowat siran non (mambo). Giyoto man na bagiyan o tao a inikaluk iyan so Kadnan niyan.