Al-Inshiqaq

¹1. Amai ka so Langit na manga bubunsad,

²2. Go mangonot ko Kadnan Ni­yan, ka Miyapatoton,

³3. Go amai ka so Lopa na pa­kaoladun,

⁴4. Go iyawa iyan so nganin a madadalumon, na kada-an sa tago,

⁵5. Go mangonot ko Kadnan Niyan, ka miyapatoton!

⁶6. Hai Manosiya! Mata-an! A suka na Pananagontaman sa taman sa kitumo ko Kadnan ka sa sam­porna a panagontaman, ka mipum­baratumowa-a ka Sukaniyan.

⁷7. Na sa dun sa mibugai ron so Daptar iyan si-i ko kawanan niyan,

⁸8. Na mapamagitong dun sa iton­gan a malubod,

⁹9. Go makandod ko manga ton­ganai niyan a mabababaya!

¹⁰10. Na so puman so midawagon so Daptar iyan si-i ko tampar ko likod iyan.

¹¹11. Na migoraok iyan ndun so kabinasa,

¹²12. Go makasolud ko kadug.

¹³13. Mata-an! A sukaniyan na so katatago iyan (sa doniya) ko manga tonganai niyan na mabababaya.

¹⁴14. Mata-an naya! A aya tangkap iyan non na di dun phakandod (ko Kadnan Niyan).

¹⁵15. Owai na, Mata-an! A so Kad­nan Niyan na tatap a phagilain Niyan!

¹⁶16. Na Pushapa Ako sa Ibut ko Pamorawag a mariga,

¹⁷17. A go so gagawi-i, go so nga­nin a miyatiganus iyan,

¹⁸18. Go so Olan igira-a mimbir­ing,

¹⁹19. Ka puphakasakat kano dun ko sapangkat pho-on ko sapangkat.

²⁰20. Na antona-a i maka-arun kir­an sa di iran Kapharatiyaya,

²¹21. Go-igira a biyatiya kiran so Qur-an na di siran Phangalimbaba­an?

²²22. Kuna, ka siran a da Pamar­atiyaya na gi-i ran Pakambokhagun (so Qur'an).

²³23. Na so Allah i lubi a Mata-o ko pagu-unusun niran.

²⁴24. Na Pamanotholangka kiran so siksa a malipudus,

²⁵25. Ogaid na so siran a Miyamar­atiyaya go Pinggalubuk iran so manga pipiya: Na adun a bagiyan niran a balas a di khaompas.