Al-Mujadilah

¹Ko goonga Alla nani konngol oon duttondiroowo e ma haala ko faati e joom galle makko hombo wullito fa'ade e Alla; Alla na nana yeewtere mon nde pellet Alla ko nanoowo ji'oowo

²Ɓeen nanndinooɓe suddiiɓe mum en e yummiraaɓe maɓɓe, ɓeen ɓe ngona yummiraaɓe maɓɓƴe, woni yummiraaɓe mum en ko ɓeen jibinɓe ɓe pellet hoɓe kaala paŋkare e penaande e pellet Alla ko jaafatooɗo jarlotooɗo bakkatuuji.

³Ɓeen nanndinooɓe rewɓe mum en refti ɓe ndutto ko ɓe mbiino ko yoɓe ndimɗin daande ko adi ndeɓe memandirta ko ɗum woni ko mbaajete ɗon ko, alla na kumpati ko ngollaton ko.

⁴Kala mbo dañaani yo o hoor lebbi ɗiɗi dewandirɗi ko adii ndeɓe mandirta kala mbo kattanaani yo o ñammin miskineeɓe capanɗe njeegom, ɗuum ko ngam ngoonɗinon Alla e nelaaɗo makko ko ɗuum woni keerol Alla woodanii he'eferɓe lepte cattuɗe.

⁵Pellet ɓeen luundotooɓe Alla e nelaaɗo makko ɓe koynaama hono no adiiɓe ɓe koynirano, min tellinii aayeeje peeñɗe, woodani he'eferɓe lepte koynooje.

⁶Ñande o ummini ɓe kamɗe fof o holla ɓe koɓe ngolluno ko, o tonngii ɗuum ɓe njejji ɗuum Alla na seedii kala hu'unde.

⁷Mbele a annda won'de Alla na anndi ko woni e ndeer kammuuji e ko woni e ndeer leydi, gunndo wonata hakkunde tata si wona o nayɓitaɓe ngo wonata hakkunde noyo si wona o wona jeegoɓo ngo wonata ko ja'asi ɗuum si wona o won'da e mum en toɓe mbaawi won'de fof, refti o habraɓe ko ɓe ngolli ñande darnga, pellet Alla na anndi kala hu'unde.

⁸Mbele a yiyaani ɓeen kaɗaaɓe ndeeyu refti ɓe nduttoo koɓe kada ko ɓe ndeeyandira e bakkatuuji e añanaagal e woopde nelaaɗo, siɓi ngarii e ma ɓe calmanir ma na Alla salminiraani ma nih ɓe mbiya e pittaali mum en ko haɗi Alla leptira min ko min kaalata ko, yoniiɓe jahannama hoɓe naatne heen bonii wattannde.

⁹Eey mon mon gooŋɗinɓe si on ndeeydii e nelaaɗo wotee ndeeyde e makko e bakkaat e añanaagal e woopde nelaaɗo, ndeeydee e ɗiggere e kulol Alla mbo mooɓoyteɗon to makko.

¹⁰Pellet gunndo ko e seytaane ngam o sunina ɓeen gooɗinɓe o lorotaaɓe hay ndiga si wona e sakkitoore Alla, e dow Alla woni ko gooŋɗiɓe mbakkilto.

¹¹Eey mon mon gooŋɗinɓe si on mbiyaama yaacne e joɗle yaacne Alla njaajnana mon, si on mbi'aama umme, ummɗon Alla ɓamta ɓeen gooŋɗin ɓe e mon e joman en ganndal darajaaji, Alla na kumpatii ko ngolloton ko.

¹²Eey mon gooŋɗinɓe si on ndeeydii e nelaaɗo tottire e ndeeyu mon sadak, ko ɗuum ɓuri moƴƴude e mon ko ɗuum ɓuri laaɓde, si on keɓaani Alla de ko jaafatooɗo jurmotooɗo.

¹³Mbele on kul tottirde sadaka saanga ndeeydaton e nelaaɗo, si on tottiraani Alla jaɓani on tuubuubuya, ndarnee juulde toottiron askal ɗoftoɗon Alla e nelaaɗo makko, Alla na kumpatii ko ngolloton ko.

¹⁴Mbele a yii'aani ɓeen heedninɓe aade en ɓe Alla tikkani ɓe njeyaaka e mon ɓe njeyaako e maɓɓe, hoɓe ngooɗndira penaale te hoɓe nganndi.

¹⁵Alla heblaniiɓe lepte caɗtuɗe pellet bonii koɓe ngolluno ko.

¹⁶ɓe nanngarii goonɗdooje mum en ɗe heedo, ɓe palii laawol Alla ngol, woodaniiɓe lepte koynooje.

¹⁷Pellet, ɓeen yedduɓe, jawle maɓɓe ɗen e ɓiɗɓe maɓɓe ɓen duncantaaɓe e lepte Alla ɗen hay hu'unde. Ko ɓeen ɗoon ngoni yimɓe yiite ɓeen, kamɓe ko ɓe luttooɓe toon.

¹⁸Ñande Alla umminiɓe kamɓe fof, ɓe ngooɗndana mbo hono noɓe ngooɗndaranta mon nih, hoɓe cikka won koɓe ngoni e dow mum, ɓe tigi ngoni fenooɓe ɓe.

¹⁹Seytaane tehriiɓe o yejjitini ɓe jaŋtaade Alla ko ɓee tigi ngoni fedde seytaane, pellet ko fedde seytaane woni pertuɓe.

²⁰Ɓeen haɓatooɓe Alla e nelaaɗo makko,ko ɓeen ɓuri hoyde.

²¹Alla ñaawi ma ni fool miin e nelaaɓe am, pellet Alla ko cemmbuɗo tedduɗo.

²²A heɓatah yimɓe gooŋɗinɓe e ñalawma cakkatiiɗo na njiɗandira e luundiiɓe Alla e nelaaɗo makko haysi ɓe ngonii baabiraaɓe mum en wolla ɓiɓɓe wolla musiɓɓe, wolla gorol mum en, ko ɓe ɓerɗe mum en mbinnda iimaan O semmbiniɓe e ruuhu ummade e makko, O naatnaɓe aljannaaji na dogo ley majji caatli ɓe duumo toon haa pooma, Alla weleeɓe ɓe mbele Alla, ko ɓeen ngoni fedde Alla, ko fedde Alla tigi woni malaaɓe.